ដោយ ៖ វិច្ឆិកា
ថ្ងៃទី 19-03-2012 ម៉ោង 09:07:11 ខេត្តបន្ទាយមានជ័យ ៖ កម្លាំងនគរបាលនៃមន្ទីរប្រឆាំងគ្រឿងញៀន ប្រចាំទិសខេត្តបន្ទាយមានជ័យ បានសហការ ជាមួយកម្លាំងនគរបាល ក្រុងប៉ោយប៉ែត និងនគរបាលប្រឆាំងគ្រឿងញៀនខេត្តបន្ទាយមានជ័យ ចុះបង្ក្រាបករណីជួញដូរគ្រឿង ញៀនយ៉ាងសកម្មចាប់ឃាត់ខ្លួនស្ត្រីជាជនសង្ស័យ១នាក់និងវត្ថុតាង គ្រឿងញៀន១ថង់ធំ នៅក្រុងប៉ោយប៉ែតកាលពីវេលាម៉ោង ១១និង៣០នាទីព្រឹកថ្ងៃទី១៨ខែមិនា ឆ្នាំ២០១២ នៅបន្ទប់ ជួលស្ថិតក្នុងភូមិបាលិលេយ្យ១ សង្កាត់ក្រុងប៉ោយ ក្រុងប៉ោយប៉ែត ខេត្តបន្ទាយមានជ័យ ។
លោកវរសេនីយ៍ទោ សឿង ណុល ប្រធានក្រុមកាងារប្រចាំទិសខេត្តបន្ទាយមានជ័យ បាន ឲ្យដឹងថាៈជនសង្ស័យ ដែលសមត្ថកិច្ចចាប់ឃាត់ខ្លួននេះ ឈ្មោះ សឿន ណេ ភេទស្រីអាយុ២៥ឆ្នាំ ស្នាក់នៅបន្ទប់ជួលស្ថិតក្នុងភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ ជាមួយនិងការចុះបង្ក្រាបនេះ កម្លាំងសមត្ថកិច្ច ដកហូតបានវត្ថុតាងថ្នាំញៀនប្រភេទ មេតំហ្វេតាមីន(ICE ទឹកកក) ស្រោបថង់ពណ៌ខ្មៅ ច្រកក្នុងថង់ពណ៌់ស តាមការថ្លឹងមានទម្ងន់៤៧៣,៥ក្រាម ៕
