ថ្ងៃទី 10 ខែមីនា ឆ្នាំ2012, ម៉ោង 09:01 AM ចាន់ សុខលន់
បន្ទាយមានជ័យៈ ក្រោមកិច្ចសហការគ្នាបានល្អរវាងមន្រ្តីគ្រប់ស្ថាបន័នៅមា ត់ច្រកទ្វារអន្តរជាតិប៉ោយប៉ែតក្នុងទប់ស្កាត់ រាល់បទ ល្មើសគ្រប់ប្រភេទជាពិសេសទំនិញខូចគុណភាពដែលនាំឲ្យប៉ះពា ល់ដល់សុខភាពអ្នកប្រាស់ ក៏ដូចជាទំនិញចំរុះជាច្រើនមុខ គ្មានស្លាកសញ្ញានិងការវេចខ្ចប់ត្រឹមត្រូវឬខូចគុណភាព ។
ជាក់ ស្តែងទំនិញជិត៤តោនដែលមន្រ្តីជំនាញកាំកុងត្រូលចាប់បានជាបន្តបន្ទាប់នាពេលកន្លងមក ដែលនៅរសៀសថ្ងៃទី៩ ខែមីនានេះត្រូវបានសមត្ថកិច្ចចម្រុះប្រចាំច្រកទ្វារ អន្តរជាតិ ប៉ោយបែត យកដុតកម្ទេចចោលនៅចំណុច ខាងជើងអគារកាស៊ីណូ ផ្កាយ៥ដែលស្ថិតក្នុងភូមិ ក្បាលស្ពាន១ សង្កាត់និងក្រុងប៉ោយប៉ែត ។
លោក អ៊ុត សុភាពប្រធានស្នាក់ការកាំកុងត្រូលក្រុងប៉ោយប៉ែត បានឲ្យដឹងថា ទំនិញដែលបានដុតកំទេចចោលនេះរួមមាន៖ត្រី ខកំប៉ុងគ្មានស្លាកសញ្ញា ចំនួន៧០កេសស្មើ១០៥០គីឡូក្រាម ទំពាំងជ្រក់គ្មានស្លាកសញ្ញាចំនួន៥០ ធុងស្មើ១០០០គីឡូក្រាមដំណាប់ កន្ទួតចំនួន៦០កេស ស្មើនឹង៦០០គីឡូក្រាម ស្ករចង្កឹះ ហួសកំណត់ប្រើប្រាស់៣០កេះស្មើ៣០០គីឡូក្រាម ទឹកខ្មេះរូបទន្សាយ ចំនួន៣៥ កេស ស្មើនិង៣៥០គីឡូក្រាមកាពិគ្មានស្លាកសញ្ញាចំនួន៥ធុង ស្មើនឹង១០០គីឡូក្រាម ស្វាយត្រាំចំនួន៥ថង់ស្មើនឹង៥០គីឡូក្រាម កំទិចនំចំនួន១០ថង ស្មើនឹង១០០គីឡូក្រាម ទឹកសណ្តែកហួសកំណត់ប្រើប្រាស់ចំនួន៥កេសស្មើនឹង៥០គីឡូក្រាម ទឹកស៊ីអ៊ីវហួសកំណត់ប្រើប្រាស់ចំនួន២កេសស្មើនឹង២០គីឡូក្រាម ទឹកតែgreen tea ចំនួន៥កេសស្មើនិង៥០គីឡូក្រាម ទឹកសូដាហួសកំណត់ប្រើប្រាស់ចំនួន២កេស ស្មើនឹង២០គីឡូក្រាម គ្រាប់ឈូករត្ន័ គ្មានស្លាកសញ្ញាចំនួន៣ថង់ ស្មើនឹង៦០គីឡូក្រាម ទឹកក្រូចហួសកំណត់ប្រើប្រាស់ ចំនួន៥កេះស្មើនឹង៥០គីឡូក្រាម សណ្តែកខៀវបំពង គ្មានស្លាកសញ្ញាចំនួន៥ថង់ ស្មើនឹង១០០គីឡូក្រាម ខ្លាញ់មាន់ចំនួន១ធុងស្មើនឹង២០គីឡូក្រាម។
លោកបានបញ្ជាក់ឲ្យដឹងថា ទំនិញខូចគុណភាពទាំងនេះ គឺកម្លាំងក្រោមឱវាទរបស់លោកធ្វើការសហការជាមួយមន្ត្រី ក្រោមប្រាសាទបីនៃ ច្រកទ្វារប៉ោយប៉ែតធ្វើការទប់ស្កាត់ទំនិញទាំងនេះចៀសវៀងផល ប៉ះពាល់ដល់សុខភាពអ្នកប្រើប្រាស់ដោយ អនុវត្តតាមបទបញ្ជានិងការណែនាំពីលោកម៉ក់ ពេជ្ជរិតអគ្គនាយក នៃអគ្គនាយកដ្ឋានកាំកុងត្រូលក្រសួងពាណិជ្ជកម្ម ដែលតែងផ្តាំផ្ញើមន្ត្រីកាំកុងត្រូលឲ្យ មានទំនាក់ទំនងល្អ រវាងស្ថាបន្ថ័ពាក់ពន្ធ័ដើម្បីទប់ស្កាត់ទំនិញខូចគុណភាព បានលួចនាំចូលតាមច្រកអន្តរជាតិប៉ោយប៉ែតហើយទំនិញទាំង នោះបានដុតកំទេចចោលត្រូវបានរកឃើញរទេះដែលឈ្មួញបង្កប់ លួចដឹកចូលមកនាពេលកន្លងទៅ៕
