ដោយ ៖ ឡុង សំបូរ
ថ្ងៃទី 09-03-2012 ម៉ោង 10:36:08 ខេត្តស្ទឹងត្រែង ៖ នៅវេលាម៉ោង៩ព្រឹកថ្ងៃទី៩ ខែមីនា ឆ្នាំ២០១២ ពលរដ្ឋបាន ប្រទះឃើញសពកុមារីអណ្តែតមកទើរនឹងថ្មកណ្តាលទន្លេ ដែលមានចម្ងាយពីកន្លែងបាត់ខ្លួនជាង២០ម៉ែត្រប៉ុណ្ណោះ បន្ទាប់ពី បាត់ខ្លួនរកមិនឃើញកាលពីថ្ងៃម្សិលមិញ។
គួររម្លឹកថា ហេតុការណ៍ផ្អើលឆោរឡោមួយបានកើតឡើង នៅចុងមាត់កំពង់សាឡាងនៃដង ទន្លេសេកុង ក្រុងស្ទឹងត្រែង ខេត្តស្ទឹងត្រែង ដោយសារបុរសវ័យកណ្តាលម្នាក់បានបាត់កូនស្រី២នាក់ ខណៈកំពុង លាងរថយន្ត កាលពីម៉ោង១៦និង៤៥នាទីល្ងាច ថ្ងៃទី៨ ខែមីនា ឆ្នាំ២០១២ ។
យុវតីឈ្មោះហេង ណាវី អាយុ១៣ឆ្នាំ បានបាត់ខ្លួនក្នុងទឹកអស់១យប់ទើបរកឃើញ នៅព្រឹកនេះ និងឈ្មោះហេង ស្រីពៅ អាយុ៧ឆ្នាំត្រូវបានជួយស្រង់ចេញពីទឹកទាន់ពេលវេលា បន្ទាប់ពីពួកគេទាំង២នាក់បងប្អូន នាំគ្នាចុះលេងទឹក។
លោកហេង សុខឿន អាយុ៤០ឆ្នាំ រស់នៅភូមិរាជានុកូល សង្កាត់ស្ទឹងត្រែង ក្រុងស្ទឹងត្រែងដែលជា ឪពុកយុវតីរងគ្រោះបានប្រាប់ថា
មូលហេតុ កើតឡើងដោយសារកូនរបស់គាត់ចុះមុជទឹកនៅទីដែល មានជម្រៅជ្រៅ ស្ថិតនៅចុងមាត់កំពង់សាឡាង នៅគ្រាដែលខ្លួនគាត់កំពុងលាងរថយន្តភ្លេចខ្លួន ៕
