ដោយ ៖ វឌ្ឍនា
ថ្ងៃទី 11-03-2012 ម៉ោង 15:09:56
ភ្នំពេញៈ ក្រោយពីបើកដំណើរការសាកល្បងអស់ជាច្រើនខែកន្លងមកសួនកម្សាន្តឌ្រី មលែនឌ៍បានរៀបចំកម្មវិធីសម្ពោធជាផ្លូវការកាលពីព្រឹកថ្ងៃទី១១ ខែ មីនាឆ្នាំ២០១២ ក្រោមការចូលរួមពីលោក ហ៊ុន ម៉ាណែត នាយរងសេនាធិការចម្រុះនៃកងយុទ្ធពលខេមរៈភូមិន្ទ មេបញ្ជាការរងកងទ័ពជើងគោក និងជាមេបញ្ជាការរដ្ឋានជាតិកម្លាំងពិសេសប្រឆាំងភេរវកម្ម និងមានការចូលរួមយ៉ាងច្រើនកុះករពីសំណាក់បណ្តាដៃគូអាជីវកម្ម សិស្សានុសិស្ស ភ្ញៀវជាតិនិងអន្តរជាតិជាច្រើនរូបទៀត។
គោលបំណងសំខាន់នៃកម្មវិធីសម្ពោធនេះគឺធ្វើឡើងដើម្បីថ្លែងអំណរគុណ យ៉ាងជ្រាលជ្រៅ ដល់ភ្ញៀវកិត្តិយស និងអតិថិជនទាំងអស់ដែលបានគាំទ្រយ៉ាងពេញទំហឹងចំពោះសួនកម្សាន្តឌ្រី មលែនឌ៍ កន្លងមក និងបន្តមកលេងកម្សាន្តបន្ថែមទៀត។
លោក ជាម ឃុនណាត អគ្គនាយកក្រុមហ៊ុន ខេមអឹម្ញូស្សឺមេន ខប(ឌ្រីមលែនឌ៍) (Cam Amusement Corp. Dream Land) ថ្លែងនាឱកាសនេះថាដោយមើលឃើញពីសក្តានុពលភូមិសាស្ត្រ និងភាពរីកចម្រើនរបស់ប្រទេសជាតិដែលទទួលបាននូវសុខសន្តិភាពពេញលេញ ក្រោមការដឹកនាំដ៏ឈ្លាសវៃ និងប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានដាក់ចេញនូវគោលនយោបាយឈ្នះ ឈ្នះ នាំមកនូវឯកភាពជាតិ សន្តិភាពពេញលេញជូនជាតិមាតុភូមិ និងក្រោមគោលនយោបាយសេដ្ឋកិច្ចទីផ្សារសេរី យុទ្ធសាស្ត្របើកចំហរជើងមេឃ របស់រាជរដ្ឋាភិបាល ដែលទាំងអស់នេះវាផ្តល់នូវជំនឿជឿជាក់យ៉ាងមុតមាំដល់វិនិយោជគិន ជាតិ និងអន្តរជាតិ ក្នុងការដាក់ទុនវិនិយោគច្រើន និងជាហេតុនាំឲ្យប្រជាពលរដ្ឋមានជីវភាពធូរធារកើនឡើងជាលំដាប់។
លោកបញ្ជាក់ថាដើម្បីចូលរួមចំណែក ក្នុងការអភិវឌ្ឍន៍ និងលើកកម្ពស់សោភ័ណ្ឌភាពរាជធានៅភ្នំពេញជាមួយរដ្ឋាភិបាលកម្ពុជា ទើបក្រុមហ៊ុន ខេមអឹម្ញូស្សឺមេន ខប(ឌ្រីមលែនឌ៍) សម្រេចចិត្តវិនិយោគសួនកម្សាន្តទំនើប ឌ្រីមលែនឌ៍នេះឡើងដែលមានលក្ខណៈទំនើប ស្តង់ដា និងមុនដំបូងគេបង្អស់នៅរាជធានីភ្នំពេញ ដោយចំណាយដើមទុនទំហំទឹកប្រាក់១០លានដុល្លារអាមេរិកសម្រាប់ ដំណាក់កាលទី១ និងមានគម្រោងបង្កើនទំហំទឹកប្រាក់បន្ថែមរហូតដល់២០លានដុល្លារអា មេរិកសម្រាប់ដំណាក់កាលបន្តបន្ទាប់ទៀត។ លោកបន្តទៀតថាក្រុមហ៊ុននេះក៏បានផ្តល់ជូននូវឱកាសការងារដល់យុវជន យុវនារីកម្ពុជាប្រមាណជាង២០០នាក់ដែលជាចំណែកមួយចូលរួមជាមួយ រដ្ឋាភិបាលក្នុងការកាត់បន្ថយភាពក្រីក្ររបស់ប្រជាពលរដ្ឋកម្ពុជា។
លោក នួន សាវ៉ាតអភិបាលរងរាជធានីភ្នំពេញ បានថ្លែងនូវការសាទរចំពោះការបើកសម្ពោធជាផ្លូវការរបស់សួន កម្សាន្តដ៏ទំនើបនៅរាជធានីភ្នំពេញនេះដែលបានប្រើការកម្សាន្តដល់ ប្រជាពលរដ្ឋ និងជួយលើកកម្ពស់មុខមាត់រាជធានីភ្នំពេញតាមរយៈសោភណ្ឌភាព សណ្តាប់ធ្នាប់ដ៏ល្អនេះ។
លោក ហ៊ុន ម៉ាណែត បានបង្ហាញពីចំណាប់អារម្មណ៍ និងកោតសរសើរចំពោះការបង្កើតទីកន្លែងកម្សាន្តទំនើបស្តង់ដាអន្តរជាតិ សម្រាប់ការកម្សាន្តមនុស្សគ្រប់វ័យ និងធ្វើឲ្យតំបន់នេះកាន់តែស្រស់ស្អាត។ លោករំឮកដែរថាកាលពីប៉ុន្មានឆ្នាំមុនទីនេះគឺជាទីកន្លែងគេដាំ ដំណាំ ស្ងាត់ជ្រងុំ ដែលគេខ្លាចរអារនឹងដើរឆ្លងកាត់ ប៉ុន្តែពេលនេះវាបានក្លាយជាកន្លែងសម្រាប់លំហែកម្សាន្តដ៏ពេញនិយម ។ លោកបញ្ជាក់ដែរថាក្រៅពីផ្តល់ការកម្សាន្តសប្បាយទីនេះបានលើកកម្ពស់ មុខមាត់ប្រទេសជាតិ និងជួយបង្កើតឱកាសការងារដល់ប្រជាពលរដ្ឋកម្ពុជាផងដែរ។ លោកក៏សំណូមពរឲ្យសួនកម្សាន្តឌ្រីមលែនឌ៍បង្កើតឲ្យដាក់បញ្ចូល នូវរូបភាពដែលឆ្លុះបញ្ចាំងពីអត្តសញ្ញាណប្រពៃណីជាតិខ្មែរ និងបន្តយកចិត្តទុកដាក់ចំពោះសន្តិសុខសុវត្ថិភាពផងដែរ៕
-ទូរទស្សន៍មួយចំនួននៅកម្ពុជា ទីនេះ
 |
 |
 |
 |
 |
ស្ដាប់វិទ្យុផ្សេងៗនៅទីទីនេះ
អ្នកចូលទស្សនាតាមប្រទេសនីមួយៗ
ចំនួនភ្ញៀវចូលទស្សនាថ្ងៃនេះ
រូបត្លុក(cartoon)
ផលិតផលរបស់ក្រុមហ៊ុនJ&C
បើចង់បានដំណាំដែលទទួលបានទិន្នផលខ្ពស់សូមទំនាក់ទំនងមក លោកឈុន វិចិត្រប្រធានសាខាក្រុមហ៊ុនJ&Cផ្ដាច់មុខក្រុងប៉ោយប៉ែតTEL:012 24 28 97
