សមាគមគ្រូបង្រៀនកម្ពុជាឯករាជ្យនៅថ្ងៃចន្ទនេះ បានផ្ញើលិខិតមួយច្បាប់ទៅរដ្ឋមន្រ្តីក្រសួងអប់រំ យុវជន និងកីឡា ឲ្យចាត់វិធានការស៊ើបអង្កេតជាបន្ទាន់មួយ ចំពោះករណីអំពើពុករលួយនៅនាយកដ្ឋានតម្រង់ទិសវិជ្ជាជីវៈ នៃក្រសួងអប់រំ ដែលបានកឹបកេងលុយរដ្ឋអស់រាប់លានរៀល។
ក្រសួងអប់រំ យុវជន និងកីឡា
ករណីមួយទៀត លិខិតអនាមិកក៏បានលើកឡើងផងដែរអំពីអនុប្រធានការិយាល័យ ប្រធាន និងអនុប្រធាននាយកដ្ឋានតម្រង់ទិសវិជ្ជាជីវៈ ពីបទឃុបឃិតគ្នាប្រព្រឹត្តអំពើពុករលួយថវិកាទិញសម្ភារៈសិក្ឋាសាលា រយៈពេលបីថ្ងៃ ដែលត្រូវផ្តល់ឲ្យសិក្ខាកាម៤៨១នាក់ ដោយក្នុងម្នាក់ទទួលបាន៦០.០០០រៀល ប៉ុន្តែបានចំណាយតែ២០.០០០រៀលប៉ុណ្ណោះ ដោយនៅសល់៤០.០០០រៀលមិនបានចំណាយ។ ដូច្នេះថវិកាសរុបដែលបាត់បង់ដោយអំពើពុករលួយនោះសរុបប្រមាណ ១.៩២៤.០០០រៀល។ ជាងនេះទៀតការបោះពុម្ពឯកសារជំនួយស្មារតីអប់រំបំណិនជីវិត ក៏មានភាពមិនប្រក្រតីដែរ។
ចំពោះករណីអំពើពុករលួយទាំងនេះ សមាគមគ្រូបង្រៀនកម្ពុជាឯករាជ្យ បានស្នើឲ្យក្រសួងអប់រំ យុវជន និងកីឡា ដែលដឹកនាំដោយលោក អ៊ឹម សិទ្ធី ធ្វើការស៊ើបអង្កេតមួយ ដើម្បីវែករកមុខអ្នកប្រព្រឹត្តយកមកផ្តន្ទាទោសតាមច្បាប់៕
