ដោយ ៖ សាគុណ
ថ្ងៃទី 24-03-2012 ម៉ោង 19:39:20 ភ្នំពេញ៖ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណា ចក្រកម្ពុជា បានយាងចូលរួមជាព្រះរាជាធិបតីភាពដ៏ខ្ពង់ខ្ពស់ ក្នុងសម័យប្រជុំលើកដំបូងព្រឹទ្ធសភា នីតិកាលទី៣ ដែលប្រព្រឹត្តទៅនៅអគ្គលេខាធិការដ្ឋានព្រឹទ្ធសភា កាលពីថ្ងៃទី ២៤ ខែ មីនា ២០១២ ។
នៅក្នុងសម័យប្រជុំលើកដំបូង ព្រឹទ្ធសភានេះក៏មានការអញ្ជើញចូលរួមពីសំណាក់សម្តេចអគ្គ មហាធម្មពោធិ៍សាល ជា ស៊ីម ប្រធានព្រឹទ្ធសភា សម្តេចអគ្គមហាពញាចក្រី ហេងសំរិន ប្រធាន រដ្ឋសភា និងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រ កម្ពុជាផងដែរ ។
ព្រះករុណាជាអម្ចាស់ជីវិតលើត្បូង មានព្រះរាជឱង្ការ ថា «ខ្ញុំសូមសំដែងនូវគារវកិច្ចដ៏ខ្ពង់ខ្ពស់ប្រ កបដោយក្តីអំណរសាទរដ៏កក់ក្តៅថ្វាយ និងជូនសមាជិក សមាជិកានៃព្រឹទ្ធសភានីតិកាលទី ៣ ដែល ពិតជានឹងរួបរួមគ្នា ដើម្បីបំពេញនូវតួនាទីក្នុងស្ថាប័ននីតិបញ្ញត្តិកំពូល នៃព្រះរាជាណាចក្រកម្ពុជា ធ្វើឲ្យ អំណាចរដ្ឋមានតុល្យភាព និងប្រព្រឹត្តទៅបានល្អប្រសើរ សំដៅការពារមូលដ្ឋានគ្រឹះ នៃរដ្ឋធម្មនុញ្ញ និង គោលការណ៏គ្រឹះនៃគោលការណ៍លទ្ធិប្រជាធិបតេយ្យ សេរីពហុបក្ស ព្រមទាំងសិទ្ធិសេរីភាពរបស់ប្រ ជាពលរដ្ឋគ្រប់មជ្ឈដ្ឋាន»។
ព្រឹទ្ធសភានៃព្រះរាជាណាចក្រកម្ពុជា បានចាប់បដិសន្ធិជាថ្មី កាលពីថ្ងៃទី ២៥ ខែមីនា ឆ្នាំ១៩៩៩ ដោយបានឆ្លងកាត់២ នីតិកាលមកហើយ ដោយបានធ្វើដំណើរលើកំណាត់ផ្លូវមួយស្ថិតក្នុងបរិស្ថាន នយោបាយសមស្រប ហលយបានធ្វើការដោយរលូនក្នុងមនសិការស្នេហាជាតិ និងស្មារតីទទួលខុស ត្រូវខ្ពស់។រហូតមកដល់ពេលនេះ តាមរយៈស្នាដៃដែលបានរួមចំណែកក្នុងការកសាងជាតិ និងបម្រើ ផលប្រយោជន៍ប្រជាពលរដ្ឋកម្ពុជា ព្រឹទ្ធសភាដណ្តើមបាននូវកិត្យានុភាពដ៏សក្តិសមទាំងនៅក្នុងប្រ ទេស និងនៅលើឆាកអន្តរជាតិ។តាមរយស្ថាប័នព្រឹទ្ធសភា ប្រជាពលរដ្ឋ គណបក្សនយោបាយ អង្គការ មិនមែនរដ្ឋាភិបាល និងសង្គមស៊ីវិល មានវេទិកា និងឱកាសកាន់តែច្រើន ដើម្បីសំដែងយ៉ាងទូលំទូ លាយនូវទស្សនៈ ជំហរនយោបាយ ឬបំណងប្រាថ្នារបស់ខ្លួន ដែលញ៉ាំឲ្យរបបពហុនិយមខាងមតិ និង លទ្ធិប្រជាធិបតេយ្យកាន់តែមានជំហានរីកចម្រើនពីមួយថ្ងៃទៅមួយថ្ងៃ។
ព្រះករុណាជាអម្ចាស់ជីវិតលើត្បូង មានព្រះរាជឱង្ការ ថា ព្រឹទ្ធសភានីតិកាលទី ៣ ត្រូវបន្តរួមចំ ណែកឲ្យកានើតែសកម្មថែមទៀត ក្នុងការពូនជ្រុំប្រជាធិបតេយ្យភាវូបនីយកម្មសង្គមថ្នាក់ជាតិ និងថ្នាក់ មូលដ្ឋាន សំដៅធានាការអភិវឌ្ឍន៍សេដ្ឋកិច្ចសង្គម និងផលប្រយោជន៍ទូទៅរបស់ប្រជាពលរដ្ឋគ្រប់ មជ្ឈដ្ឋាន។ឈរលើអទ្តសញ្ញាណ ជាតំណាងផ្ទាល់ឲ្យក្រុមប្រឹក្សាឃុំ-សង្កាត់ ព្រឹទ្ធសភានីតិកាលទី ៣ ត្រូវខិតខំបន្តរួមចំណែកជម្រុញឲ្យការអនុវត្តន៍គោលនយោបាយវិមជ្ឈការ និងសហវិមជ្ឈការកាន់តែ មានសន្ទុះរីកចម្រើនថែមទៀត ដើម្បីកាត់បន្ថយភាពក្រីក្ររបស់ប្រជាពលរដ្ឋ និងការគ្រប់គ្រងសេដ្ឋកិច្ច សង្គម វប្បធម៌របស់ជាតិប្រព្រឹត្តទៅដោយសមធម៌ មានតម្លាភាព និងគណនេយ្យភាពពិតប្រាកដ។ជា មួយនេះ ដែរ ព្រឹទ្ធសភាត្រូវធានាការពារយុត្តិធម៌ និងសិទ្ធិមនុស្ស ដើម្បីបង្កើតឡើងនូវភាពសុខដុម រមនាយូរអង្វែងក្នុងសង្គមជាតិយើង។
ព្រះមហាក្សត្រមានព្រះរាជឱង្ការ ថា «ខ្ញុំសូមសមាជិក សមាជិកានៃព្រឹទ្ធសភាខិតខំបំពេញការ ងារ ថែរក្សាវិន័យ និងសីលធម៌ការងារឲ្យបានខ្ពស់ជាប់ជានិច្ច ព្រមទាំងគោរពដោយស្មោះស្ម័គ្រ និង ដោយត្រឹមត្រូវ តាមពាក្យសច្ចាប្រណិធានរៀងៗខ្លួន ដើម្បីបំពេញ និងផ្តល់ភាពកក់ក្តៅដល់ប្រជាជាតិ យើង ដែលប្រថ្នាចង់បានព្រឹទ្ធសភាមួយប្រកបដោយមនសិការទទួលខុសត្រូវ ព្រមទាំងមានដំណើរ ការដោយរលូនល្អប្រពៃ និងមានប្រសិទ្ធភាពខ្ពស់»។
ការបោះឆ្នោតជ្រើសតាំងព្រឹទ្ធសភា នីតិកាលទី ៣ បានប្រព្រឹត្តទៅកាលពីថ្ងៃទី ២៩ មករា ឆ្នាំ ២០១២ ដោយគណបក្សប្រជាជនកម្ពុជាបានទទួលអាសនៈចំនួន ៤៦ គណបក្សសមរង្ស៊ីចំនួន ១១ អាសនៈ។សមាជិក សមាជិកាព្រឹទ្ធសភាសរុបមានចំនួន ៦១ រូប ដោយចំនួន ៥៧ រូបត្រូវបានបោះ ឆ្នោតដោយអង្គបោះឆ្នោត ដែសមាជិករដ្ឋសភាក្នុងតំណែង និងសមាជិកក្រុមប្រឹក្សាឃុំ-សង្កាត់ក្នុងតំ ណែង ២ រូបត្រូវបានបោះឆ្នោតដោយរដ្ឋសភា និងចំនួន ២ រូបទៀតត្រូវបានចាត់តាំងដោយព្រះមហាក្សត្រ៕
