ដោយ ៖ វិច្ឆិកា
ថ្ងៃទី 27-03-2012 ម៉ោង 16:53:21 បន្ទាយមាន ជ័យៈ បុរសម្នាក់បានដេកដាច់ខ្យល់ស្លាប់បន្ទាប់ពីក្មួយជីដូនមួយ ឡើង២ជង្គង់ ខណៈស្រវឹងស្រាដេកលើថ្នល់។ ហេតុការណ៍នេះកើតឡើងនៅវេលាម៉ោង៦ល្ងាច ថ្ងៃទី២៥ ខែមីនា ឆ្នាំ២០១២ នៅចំណុចភូមិចំការចេក ឃុំរហាត់ទឹក ស្រុកមង្គលបូរី ខេត្តបន្ទាយមានជ័យ។ បន្ទាប់មក នគរបាលស្រុកមង្គលបូរីបានចុះទៅឃាត់ខ្លួនជនបង្កនៅនឹងផ្ទះ នៅវេលាម៉ោង២ រសៀល ថ្ងៃទី២៦ ខែមីនា ឆ្នាំ២០១២។
លោកវរសេនីយ៍ត្រី យ៉ត សុផល អធិការនគរបាលស្រុកមង្គលបូរីបានឲ្យ ដឹថា បុរសរងគ្រោះរហូតដល់ស្លាប់ឈ្មោះ នុត ភិន អាយុ៤៨ឆ្នាំ រស់ នៅភូមិចំការចេក ឃុំរហាត់ទឹក ស្រុកមង្គលបូរី ។ ចំណែកក្មួយប្រុសនោះមាន ឈ្មោះ ឈាន វង់ ភេទប្រុស អាយុ២៧ ឆ្នាំ រស់នៅភូមិឃុំជាមួយគ្នា។
លោកអធិការនគរបាលស្រុកមង្គលបូរី បានឲ្យដឹងទៀតថា បើតាមសមត្ថ កិច្ចចុះទៅស្រាវជ្រាវពីករណីនេះគឺមុនពេលកើតហេតុបុរសរងគ្រោះ នុត ភិន បានផឹកស្រាស្រវឹងដេកនៅលើថ្នល់ក្នុងភូមិ ពេលនោះក្មួយជីដូនមួយឈ្មោះ ឈាន វង់ បានមកឃើញ ហើយហៅពូឲ្យក្រោកទៅដេកផ្ទះ ។ តែនៅពេលនោះ ឈ្មោះ នុត ភិន មិនព្រមទៅនៅតែដេកក្រាញននៀលនៅលើថ្នល់ដដែល។
លោកវរសេនីយ៍ត្រី យ៉ត សុផល បានបន្តឲ្យដឹងទៀតថា ដោយក្មួយអត់ ទ្រាំពុំបានក៏ចាប់ពូលើកឡើងយកជង្គង់អុក២ជង្គង់ត្រូវចំ ចុងដង្ហើម។ រួចមក បានអៀវឈ្មោះនុត ភិន យកមកឲ្យដេកនៅក្រោមផ្ទះអ្នកនៅក្នុងភូមិជាមួយគ្នា ដែលមានឈ្មោះ ងួន សំរឹទ្ធ ហៅម៉ៅ ។ លុះវេលាម៉ោង៩ព្រឹក ថ្ងៃទី២៦ ខែមីនា ប្រជាពលរដ្ឋម្នាក់នៅក្នុងភូមិជាមួយគ្នាបានដើរមកមើលឈ្មោះ នុត ភិន ស្រាប់ តែឃើញឈ្មោះ នុត ភិន មិនដឹងដេកស្លាប់តាំងពីពេលណាមកនោះទេ។
លោកអធិការបានបញ្ជាក់ឲ្យដឹងទៀត ថា៖បន្ទាប់ពីលោកទទួលព័ត៌មាននេះភ្លាម លោកក៏បានរាយការណ៍ទៅលោកឧត្តមសេនីយ៍ស្នងការនគរបាលខេត្តហើយដឹកនាំ កម្លាំង១៧នាក់ចុះទៅឡោមព័ទ្ធផ្ទះឈ្មោះឈាន វង់ ហើយចូលឃាត់ខ្លួន ជនសង្ស័យបញ្ជូនមកអធិការដ្ឋាននគរបាលស្រុកដើម្បីយកសាកសួរនិងរៀប ចំសំណុំរឿងបញ្ជូនទៅការិយាល័យជំនាញស្នងការដ្ឋាននគរបាលខេត្ត ចាត់ចែងតាមនីតិវិធីច្បាប់បន្តទៀត៕
