ដោយ ៖ លី ហ៊ាង
ថ្ងៃទី 10-03-2012 ម៉ោង 09:17:01 ខេត្ដកំពង់ចាម ៖ បុរសវ័យអាយុ៤៧ ឆ្នាំ ដែលគេដឹងថា មានប្រពន្ធថែមទាំង មានកូនស្រីផងនោះ បាននាំស្រីក្មេង អាយុប្រមាណ១៨ឆ្នាំ មកឡើងឋានសួគ៌ នៅក្រោមផ្ទះ ត្រូវជនមិនស្គាល់មុខយក ទឹកអាស៊ីតស្រោចពីលើបណ្ដាលឱ្យបុរសវ័យចំណាស់មានសង្ឃឹមរស់តិចតួច និងនារីវ័យក្មេងបានរងរបួសមួយកំណាត់ ខាងលើធ្ងន់ធ្ងរផងដែរ ។
ហេតុការណ៍ខាងលើនេះបានកើតឡើង កាលពីវេលាម៉ោង៤ទៀបភ្លឺ ថ្ងៃទី៩ ខែ មីនា ឆ្នាំ២០១២នៅក្នុងភូមិម្រន់ ឃុំ ជាំក្រវៀន ស្រុកមេមត់ ខេត្ដកំពង់ចាម ។
អធិការនគរបាលស្រុកមេមត់លោក ឯម កុសល មិនបានពន្យល់ពីហេតុការណ៍ ជះទឹកអាស៊ីតនោះទេ ដោយលោកឆ្លើយ យ៉ាងខ្លី “ខ្ញុំជាប់រវល់បន្ដិច” ។ ចំណែក លោក កែវ សំនៀង អធិការរងស្រុក មេមត់បានច្រានចោលសុំមិនធ្វើអត្ថាធិប្បាយ ខណៈដែលលោកប្រាប់ថា កំពុង នៅឯខេត្ដកណ្ដាល ។ រីឯអធិការរងម្នាក់ ទៀតលោក ប៉េង អេងហាក់ ក៏ឆ្លើយ ស្រដៀងគ្នានឹងលោក កែវ សំនៀង ផង ដែរថា “ខ្ញុំអត់បានដឹងថា មានករណី ហ្នឹងផង ” ។
បើទោះបីជាអធិការស្រុកមេមត់ ជាប់រវល់ អធិការរងម្នាក់ទៀតជាប់នៅ ខេត្ដកណ្ដាល និងអធិការរងម្នាក់ទៀតអត់ ដឹងរឿងហេតុកើតឡើងនៅក្នុងទឹកដី ដែលខ្លួនកាន់កាប់ក៏ដោយ លោក ឆោម សាវឿន នាយរងប៉ុស្ដិ៍ជាំក្រវៀនបានឱ្យ ដឹងថា បុរសដែលត្រូវជនមកស្គាល់ មុខយកទឹកអាស៊ីតចាក់ស្រោចពីលើឱ្យ រងរបួសធ្ងន់ធ្ងរពីក្បាលរហូតដល់ចុង ជើងមានឈ្មោះ ស៊ឹម យី អាយុ៤៧ឆ្នាំ ជាអ្នកធ្វើចម្ការកៅស៊ូ និងធុរេន រស់នៅ ភូមិ-ឃុំកើតហេតុខាងលើ ។ រីឯនារី វ័យក្មេងរងទឹកអាស៊ីតដែរនោះ ឈ្មោះ កូយ ស្រីល័ក្ខ អាយុ១៩ឆ្នាំ មានស្រុក កំណើតនៅភូមិព្រែកតូច ឃុំព្រែកដាច់ ស្រុកលើកដែក ខេត្ដកណ្ដាល មានមុខរបរ ជាស្រីឡង់សេស្រាបៀរ ។ នាយរងប៉ុស្ដិ៍ ជាំក្រវៀនបានបន្ដថា ជនសង្ស័យក្នុងអំពើ នេះនៅពុំទាន់សន្និដ្ឋានថា ជាអ្នកណា នោះទេ សមត្ថកិច្ចកំពុងតែស្រាវជ្រាវ ចាប់ខ្លួនជនដៃដល់ ។
ប្រភពព័ត៌មានដោយឡែកមួយទៀតបានឱ្យ ដឹងថា នារីកូយ ស្រីល័ក្ខ ក្រៅពី ផ្សព្វផ្សាយស្រាបៀរនាងប្រកបមុខរបរលក់ស៊ុប នៅហាងយីហោ “ពន្លឺសុផារ៉ា” ស្ថិតនៅខាងក្រោយមន្ទីរពេទ្យបង្អែកស្រុក មេមត់ ។
ជនរងគ្រោះទាំង២នាក់ក្រោយពីត្រូវ ជនមិនស្គាល់មុខស្រោចទឹកអាស៊ីត បណ្ដាលឱ្យរលាករលួយរឡេះស្បែក ឆេះ សក់ ភ្នែកមិនអាចបើកបាន ត្រូវអ្នកជិត ខាងបានដឹកបញ្ជូនមកសង្គ្រោះមកមន្ទីរ ពេទ្យខេត្ដកំពង់ចាម ប៉ុន្ដែដោយសារ បុរសវ័យចំណាស់រងរបួសធ្ងន់ធ្ងរជាង ត្រូវបានអង្គការមួយដឹកបញ្ជូនបន្ដមក សង្គ្រោះនៅរាជធានីភ្នំពេញ ។
បុរសរងគ្រោះ ស៊ឹម យី នៅក្នុងមន្ទីរ ពេទ្យខេត្ដកំពង់ចាមមិនអាចប្រាប់ព័ត៌ មានបានទេគ្រាដែលរងទឹកអាស៊ីតធ្ងន់ធ្ងរ ប៉ុន្ដែបើយោងតាមនារីរងគ្រោះ កូយ ស្រីល័ក្ខ ដែលរងរបួសក្បាល និងភ្នែក ខាងស្ដាំធ្ងន់ធ្ងរ បាននិយាយឱ្យដឹងថា កាលពីល្ងាចថ្ងៃទី៨ ខែមីនា ឆ្នាំ២០១២ បុរស ស៊ឹម យី បានមកហូបស៊ុបនៅ កន្លែងដែលនាងលក់ ហើយបានបបួល នាងទៅដេកនៅផ្ទះរបស់គាត់ លុះវេលា ម៉ោង៤ទៀបភ្លឺខណៈកំពុងដេកក្រោមផ្ទះល្ហល្ហេវ ក្រេបទឹកឃ្មុំបានម្ដងហើយនោះ ក៏មានរឿង នេះកើតឡើងតែម្ដង ។ នារី រងគ្រោះ កូយ ស្រីល័ក្ខ បានដាក់ការ សង្ស័យថា អ្នកដែលស្រោចទឹកអាស៊ីត ទៅលើនាងជាប្រពន្ធទី៤របស់បុរស ស៊ឹម យី ឈ្មោះ ឆេង ម៉ៅ អាយុ ប្រហែល ៥០ឆ្នាំ មានកូនស្រីម្នាក់អាយុ ជាង១០ ឆ្នាំ បន្ទាប់ពីគេដឹងថា បានរៀបការ ជាមួយគ្នាជាង២ឆ្នាំមកហើយដោយក្នុងនោះបុរស ស៊ឹម យី បានគ្រប់គ្រងដី ចម្ការកៅស៊ូនិងធុរេនជាកម្មសិទ្ធិឪពុក របស់ប្រពន្ធទី៤ និងភ្លើតភ្លើននឹងស្រីញី មិនចេះឆ្អែត ។
នារីរងគ្រោះ កូយ ស្រីល័ក្ខ បញ្ជាក់ ថា ការដែលនាងមកដេកនៅជាមួយ បុរស ស៊ឹម យី នេះក៏ព្រោះតែ បុរស ស៊ឹម យី បានប្រាប់នាងថា គាត់ (បុរស ស៊ឹម យី) និងប្រពន្ធបានឈ្លោះប្រកែក គ្នានិងបានលែងលះគ្នាដោយប្រពន្ធចាកចេញពីផ្ទះយូរថ្ងៃមកហើយ ។
ប្រភពព័ត៌មានពីអ្នកភូមិបានឱ្យដឹងថា បុរស ស៊ឹម យី គឺជាកំពូលបុរស ដែលមានស្រីញីច្រើន ហើយបើតាម ដឹងបុរសរូបនេះមានប្រពន្ធទី១, ទី២, ទី៣ ទី៤ និងមកដល់ទី៤ដែលរៀបការស្រប ច្បាប់ទៅហើយនោះបាននាំនារីរងគ្រោះមកដេកនៅក្រោមផ្ទះទើបកើតមាន ករណីជះទឹកអាស៊ីតបែបនេះ ។
ស្នងការរងនគរបាលខេត្ដកំពង់ចាម លោក ជឹម សេងហុង ទទួលបន្ទុកនាយ ការិយាល័យយុត្ដិធម៌បានឱ្យដឹងថា ករណី ជះទឹកអាស៊ីតនេះ វាលើសពីរឿងស្នេហាត្រី កោណទៅទៀត ទោះបុរសខាងលើនេះ បាននាំស្រី ហើយជាស្រីខូចទៀតមកដេក ដល់លើផ្ទះ តើអ្នកណាទ្រាំបាន?
លោកស្នងការរងបានបន្ដថា ស្ដ្រីដែល គេសង្ស័យជាអ្នកជះទឹកអាស៊ីតជាប្រពន្ធ ស្របច្បាប់បានគេចខ្លួន បន្ទាប់ពីធ្វើ សកម្មភាព ហើយពេលនេះសមត្ថកិច្ច កំពុងតាមចាប់ខ្លួនមកផ្ដន្ទាទោស ។
គួរបញ្ជាក់ថា ច្បាប់ស្ដីពីការគ្រប់គ្រង អាស៊ីតខ្លាំង បានចូលជាធរមាននៅពេល ថ្មីៗកន្លងទៅនេះហើយ ហើយបើយោង តាមមាត្រា២០អំពើហឹង្សាដោយចេតនា ដោយប្រើអាស៊ីតខ្លាំង ជនដែលប្រព្រឹត្ដ នឹងត្រូវផ្ដន្ទាទោសពី២-៥ឆ្នាំ ពិន័យជា ប្រាក់៤-១០លានរៀល តែប្រសិនបើការ ប្រព្រឹត្ដនោះដោយមានកាត់អវៈយវៈ ឬ ពិការអចិន្ដ្រៃយ៍ នឹងត្រូវផ្ដន្ទាទោស៥-១០ ឆ្នាំ ហើយការបើអំពើនេះបណ្ដាលឱ្យជន រងគ្រោះស្លាប់ដោយអចេតនា នឹងត្រូវ ផ្ដន្ទាទោសពី១០-២០ឆ្នាំ ៕
