ដោយ ៖ ហេង សូរិយា
ថ្ងៃទី 19-03-2012 ម៉ោង 16:28:54 ខេត្ដកណ្ដាល ៖ ក្រុមឡានដឹកទំនិញ រាប់សិបគ្រឿងផ្ទុកលើសទម្ងន់ធ្វើចរាចរបើកជារៀងរាល់ថ្ងៃនាំឱ្យ ខូចខាតស្ពាន និងផ្លូវជាតិលេខ២១B , លេខ៥ដែល រាជរដ្ឋាភិបាលខំប្រឹងស្ថាបនាតែបែរ ជាក្រុមជញ្ជីងតាមបណ្ដោយផ្លូវនោះ បើកដៃឱ្យក្រុមឈ្មួញដឹកទំនិញដោយ សេរីឱ្យតែបង់ប្រាក់ដល់ពួកកាន់ជញ្ជីង ដែលពុំបានថ្លឹងត្រឹមត្រូវ គឺគ្រាន់តែដាក់ ប៉ុស្ដិ៍ប្រៀបដូចជាកុងត្រូលជជុះស្របច្បាប់ នោះទៅវិញ។
ប្រភពពីឈ្មួញប្រកបរបរដឹកទំនិញ បានប្រាប់នគរវត្ដថា គាត់ដឹកទំនិញ រាល់ថ្ងៃទាល់តែផ្ទុកទំនិញឱ្យលើសទើប អាចរកប្រាក់ចិញ្ចឹមឆ្នាំងបានពីព្រោះ ពេលដែលគាត់ដាក់ទំនិញល្មមតាមការ កំណត់ គឺមិនបានចំណេញទេមានតែការ ខាតបង់ដោយសារតែក្រុមជញ្ជីងដែល នៅតាមបណ្ដោយផ្លូវជាតិលេខ៥ក្នុង ស្រុកពញាឮ និងក្រុមជញ្ជីងនៅក្នុងឃុំ រកាខ្ពស់ស្រុកស្អាង ដែលគាត់ដឹងថា អ្នកគ្រប់គ្រងជញ្ជីងទាំង២កន្លែងខាងលើមានឈ្មោះ ជួរ ឈុនឡេង អនុប្រធាន មន្ទីសាធារណៈការនិងដឹកជញ្ជូននិងម្នាក់ ទៀតឈ្មោះ ខាន់ សុខា ហៅទ្រី ជាអ្នក បញ្ជាឱ្យមន្ដ្រីប្រចាំការនៅទីនោះចាំយកលុយពីឡានដឹកទំនិញក្នុង មួយរថយន្ដ ចាប់ពី១០ម៉ឺនរៀលទៅ៣០ម៉ឺនរៀល ហើយក្នុងមួយថ្ងៃៗឡានដឹកទំនិញតាម បណ្ដោយផ្លូវទាំង២ខាងលើមិនតិចជាងមួយរយគ្រឿងឡើយ។
ប្រភពខាងលើបានបន្ដថា នៅពេល ដែលពួកគាត់ដឹកទំនិញឆ្លងកាត់តាម ប៉ុស្ដិ៍ជញ្ជីងទាំង២ខាងលើនោះ គឺក្រុម មន្ដ្រីដែលឈរជើងប្រចាំទីនោះបានធ្វើ ការចោទអ្នកដឹកទំនិញថា ផ្ទុកលើស ទម្ងន់ ហើយក្រុមមន្ដ្រីទាំងនោះបាន ប្រើវិធីផាកពិន័យយ៉ាងចាស់ដៃបើម្ចាស់ ឡានមិនព្រមបង់តាមការទាមទារនោះ ទេប្រាកដជាមិនបានដឹកទំនិញយកទៅ លក់ស្រួលៗឡើយ ឬក៏បង្ខំឱ្យម្ចាស់រើ ទម្លាក់ទំនិញចេញពីឡានខ្លះចេញ ទើប អាចទៅមុខបាន។ ដូច្នេះបើមិនបង់ លុយច្រើទេក្រុមអ្នកដឹកទំនិញច្បាស់ជា ដេកហាលខ្យល់ហាលភ្លៀងជាក់ជាមិន ខានឡើយ។
ក្រុមឈ្មួញបានបន្ដទៀតថា ពួកគាត់ មានការងឿងឆ្ងល់ថា ចៅហ្វាយខេត្ដ កណ្ដាលបង្កើតក្រុមជញ្ជីងចម្រុះបែរជាមានតែឈ្មោះតែអត់មានជញ្ជីង ថ្លឹង ទម្ងន់ឱ្យបានត្រឹមត្រូវ គឺគេប៉ាន់ស្មាន ទម្ងន់តាមតែចិត្ដនឹកឃើញ ប៉ុណ្ណោះទេ ជាហេតុធ្វើឱ្យមន្ដ្រីដែលឈរជើងក្រោមការគ្រប់គ្រងរបស់លោក ជួរ ឈុនឡេង និងលោក ខាន់ សុខា ហៅទ្រី សប្បាយ និងកើបលុយយកធ្វើមានធ្វើបានតែ២ នាក់។ ចំណែកឯប្រាក់ចំណូលចូលខេត្ដ គឺចូលបានតែបន្ដិចបន្ទួចតាមតែអ្នក ទាំងពីរខាងលើប្រគល់ឱ្យ។
មន្ដ្រីរាជការនៅក្នុងខេត្ដកណ្ដាល មួយចំនួនបានរិះគន់ទៅលើក្រុមជញ្ជីងដែល មានតែឈ្មោះអត់មានជញ្ជីងដាក់ប៉ុស្ដិ៍ យកលុយពីក្រុមឈ្មួញដឹកទំនិញមិនគ្រប់ ចំណុះក៏ត្រូវតែបង់លុយឱ្យក្រុមជញ្ជីង ដែលប្រចាំការទាំងថ្ងៃទាំងយប់នោះ តែ វាហាក់បីដូចជាក្រុមជញ្ជីងទាំងពីរកន្លែង ដែលមានទីតាំងឈរជើងនៅតាមផ្លូវជាតិលេខ៥ ក្នុងស្រុកពញាឮនិងផ្លូវជាតិ លេខ២១B ក្នុងស្រុកស្អាង គឺដូចជាជា ប៉ុស្ដិ៍កុងត្រូលជជុះមួយអញ្ចឹងដែរ។
ប្រជាពលរដ្ឋរស់នៅស្រុកស្អាងដែល បានស្គាល់ឈ្មោះខាន់ សុខា ហៅទ្រី បាន លើកឡើងថា ចាប់តាំងពីលោកទ្រីក្ដោប ក្ដាប់ក្រុមជញ្ជីងនោះមិនបានប៉ុន្មាន ឆ្នាំផងស្រាប់តែពួកគាត់ឃើញថាលោក ទ្រីផ្លាស់ប្ដូរជីវភាពយ៉ាងរហ័សនិងធូរធា ខ្លាំងណាស់ហើយមានចរិកក្រអឺតក្រទម មកលើប្រជាជន ជាពិសេស បើក្រុម ឈ្មួញដែលដឹកទំនិញមិនព្រមបង់លុយ តាមការទាមទារនោះទេប្រាកដជាលោកទ្រី នឹងដកកាំភ្លើងពីចង្កេះភ្ជង់ក្បាលជាមិនខាន។
ប្រជាពលរដ្ឋក៏ចូជាក្រុមឈ្មួញ បាន សំណូមពរដល់លោកអភិបាលខេត្ដកណ្ដាល មេត្ដាតាមដានមន្ដ្រីខិលខូចទាំងពីរនាក់ ខាងលើនោះទេពួកគាត់នឹងដាក់ពាក្យ បណ្ដឹងទៅអង្គភាពប្រឆាំងអំពើរពុករលួយ ដើម្បីជួយមានវិធានការជាប្រយោជន៍ ការពារមិនឱ្យខូចខាតដល់ផ្លូវសាធារណៈដែលប្រមុខរាជរដ្ឋាភិបាលខំប្រឹង ប្រែងស្ថាបនា និងដើម្បីងាយស្រួលដល់ប្រជា ពលរដ្ឋធ្វើដំណើរឆ្លងកាត់ផងដែរ។
ពាក់ព័ន្ធនឹងការរិះគន់ពី ក្រុមឈ្មួញ លើបញ្ហាក្រុមដាក់ជញ្ជីងយកលុយតាម ទំនើងចិត្ដនេះ លោកជួរ ឈុនឡើង បាន ប្រាប់នគរវត្ដថា ក្រុមរបស់លោកមិន យកលុយដល់ថ្នាក់ហ្នឹងទេ អាចឈ្មួញចេះ តែចោទប្រកាន់។
ចំណែកលោកខាន់ សុខា ហៅទ្រី ដែលល្បីឈ្មោះ ក្នុងចិត្ដមានចេញមុខ បញ្ជាឱ្យមន្ដ្រីយកលុយពីឡានដឹកទំនិញ ឬរបៀបគ្រប់គ្រងដូចកុងត្រូលជជុះនេះ នគវរត្ដទូរស័ព្ទចូលតែបញ្ជាក់ថា ម្ចាស់ ទូរស័ព្ទមិនមែនជាគាត់រួចក៏បិទទូរស័ព្ទ៕
