ដោយ ដែន អយុធ្យា
2012-03-19
វិទ្យុអាស៊ីសេរី
គ្រូពេទ្យជំនាញនៃកងទ័ពសហរដ្ឋអាមេរិក បានឲ្យដឹងថា ប្រជាពលរដ្ឋខ្មែរភាគច្រើនមានជំងឺភ្នែក និងជំងឺឈឺសន្លាក់ដៃជើង ហើយត្រូវការសេវាព្យាបាលចាំបាច់។
ក្នុងយុទ្ធនាការធ្វើសមយុទ្ធយោធាឆ្មាំអង្គរឆ្នាំ២០១២ ដែលកងទ័ពកម្ពុជា និងអាមេរិកសហការធ្វើរួមគ្នា ពលរដ្ឋបានស្នើទៅរដ្ឋាភិបាលសហរដ្ឋអាមេរិក ឲ្យបញ្ជូនក្រុមគ្រូពេទ្យមកជួយព្យាបាលជំងឺជូនពលរដ្ឋខ្មែរបន្ថែម ទៀតនាថ្ងៃអនាគត។
ក្រុមគ្រូពេទ្យនៃកងទ័ពសហរដ្ឋអាមេរិកពីតំបន់ប៉ាស៊ីហ្វិក បានឲ្យដឹងថា មានជំងឺបីប្រភេទ មានដូចជាជំងឺភ្នែក ជំងឺធ្មេញ និងជំងឺទូទៅ ព្រមទាំងឈឺសន្លាក់ដៃជើង ដែលពួកគេទទួលពិនិត្យ និងព្យាបាលជូនពលរដ្ឋខ្មែរមិនគិតថ្លៃក្នុងយុទ្ធនាការធ្វើលំហាត់ សមយុទ្ធឆ្មាំអង្គរឆ្នាំ២០១២នេះ។
មន្ត្រីស្ថានទូតអាមេរិកបានឲ្យដឹងថា សកម្មភាពចុះពិនិត្យ និងព្យាបាលជំងឺជូនពលរដ្ឋបានចាប់ផ្តើមកាលពីថ្ងៃទី១៤ ដល់ថ្ងៃទី២២ ខែមីនា ឆ្នាំ២០១២។
គ្រូពេទ្យនៃកងទ័ពអាមេរិក បានឲ្យដឹងថា ក្នុងរយៈពេល ៣ថ្ងៃ ដែលក្រុមការងារគ្រូពេទ្យកងទ័ពអាមេរិក ចុះពិនិត្យ និងព្យាបាលជំងឺជូនពលរដ្ឋរស់នៅស្រុកកំពត ខេត្តកំពត ក្នុង១ថ្ងៃមានអ្នកជំងឺជិត ១ពាន់នាក់ បានមករកសេវាពិនិត្យ និងព្យាបាល។
គ្រូពេទ្យអាមេរិកបានបន្តថា មនុស្សវ័យចំណាស់ភាគច្រើនត្រូវការសេវាព្យាបាលជំងឺភ្នែក ជំងឺមាត់ធ្មេញ និងជំងឺឈឺសន្លាក់ដៃជើងជាចាំបាច់។
អ្នកជំងឺភ្នែកច្រើននាក់ បន្ទាប់ពីទទួលបានសេវាព្យាបាលបានឲ្យដឹងថា ភ្នែកពួកគាត់បានមើលឃើញឡើងវិញ បន្ទាប់ពីងងឹតមើលមិនឃើញរយៈពេលពី ៣ ទៅ ៥ឆ្នាំ។ លោកបានស្នើទៅរដ្ឋាភិបាលកម្ពុជា និងរដ្ឋាភិបាលអាមេរិក ជួយបង្កើតឲ្យមានកម្មវិធីពិនិត្យ និងព្យាបាលជំងឺមិនគិតថ្លៃជូនពលរដ្ឋក្រីក្រឲ្យបានច្រើននា ថ្ងៃអនាគត។
អ្នកជំងឺភ្នែកក្រោយទទួលបានការព្យាបាលបានសម្ដែងក្ដីត្រេកអរ ព្រោះការព្យាបាលជំងឺបានទទួលជោគជ័យ ដោយភ្នែករបស់ពួកគាត់អាចមើលឃើញឡើងវិញ។
លោកវេជ្ជបណ្ឌិត សឿង សូរិយន្ត ជាគ្រូពេទ្យមកពីមជ្ឈមណ្ឌលវះកាត់កុមារកៀនឃ្លាំង ឯកទេសជំងឺភ្នែកដែលបានចូលរួមជាមួយគ្រូពេទ្យអាមេរិក។ លោកបានឲ្យដឹងកាលពីថ្ងៃទី១៦ ខែមីនា ថា មានអ្នកជំងឺភ្នែកប្រមាណ ៥០០នាក់ ក្នុង១ថ្ងៃ បានមករកសេវាព្យាបាល និងវះកាត់ដោយអ្នកជំងឺភាគច្រើនកើតជំងឺភ្នែកឡើងបាយ និងអ្នកជំងឺច្រើនទៀតត្រូវការវ៉ែនតាសម្រាប់ពាក់។
ទាក់ទងបញ្ហានេះ លោកវរសេនីយ៍ទោ ភី យ៉ាដេត មន្ត្រីក្រសួងការពារជាតិ ទទួលបន្ទុកពិនិត្យព្យាបាលជំងឺក្នុងសមយុទ្ធឆ្មាំអង្គរឆ្នាំ២០១២។ លោកបានឲ្យដឹងថា ក្រុមគ្រូពេទ្យជំនាញបានរកឃើញថា ជំងឺឈឺសន្លាក់ដៃជើង ជំងឺភ្នែក និងជំងឺធ្មេញដែលពលរដ្ឋកម្ពុជា កំពុងជួបប្រទះ នឹងត្រូវការសេវាព្យាបាលចាំបាច់។
ស្ថានទូតសហរដ្ឋអាមេរិកប្រចាំទីក្រុងភ្នំពេញ បានឲ្យដឹងថា លំហាត់សមយុទ្ធយោធារួមគ្នារវាងកងយោធពលខេមរៈភូមិន្ទ និងកងទ័ពអាមេរិក មានឈ្មោះថា ឆ្មាំអង្គរ បានចាប់ផ្ដើមពីថ្ងៃទី១៣ ដល់ថ្ងៃទី២២ ខែមីនា ឆ្នាំ២០១២ ដោយបានយកខេត្តកំពត និងខេត្តកំពង់ស្ពឺ សម្រាប់បើកយុទ្ធនាការ៕
កំណត់ចំណាំ៖ ចំពោះអ្នកបញ្ចូលមតិនៅក្នុងអត្ថបទនេះ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណាដែលមិនជេរប្រមាថដល់អ្នកដទៃតែ ប៉ុណ្ណោះ។
2012-03-19
វិទ្យុអាស៊ីសេរី
គ្រូពេទ្យជំនាញនៃកងទ័ពសហរដ្ឋអាមេរិក បានឲ្យដឹងថា ប្រជាពលរដ្ឋខ្មែរភាគច្រើនមានជំងឺភ្នែក និងជំងឺឈឺសន្លាក់ដៃជើង ហើយត្រូវការសេវាព្យាបាលចាំបាច់។
សកម្មភាព គ្រូពេទ្យ ពិនិត្យ ភ្នែក ជូន ពលរដ្ឋ ក្រីក្រ នៅ ខេត្ត កំពត កាល ពី ថ្ងៃ ទី ១៦ ខែ មីនា ឆ្នាំ ២០១២។ (RFA/Den Ayuthyea)
ក្នុងយុទ្ធនាការធ្វើសមយុទ្ធយោធាឆ្មាំអង្គរឆ្នាំ២០១២ ដែលកងទ័ពកម្ពុជា និងអាមេរិកសហការធ្វើរួមគ្នា ពលរដ្ឋបានស្នើទៅរដ្ឋាភិបាលសហរដ្ឋអាមេរិក ឲ្យបញ្ជូនក្រុមគ្រូពេទ្យមកជួយព្យាបាលជំងឺជូនពលរដ្ឋខ្មែរបន្ថែម ទៀតនាថ្ងៃអនាគត។
ក្រុមគ្រូពេទ្យនៃកងទ័ពសហរដ្ឋអាមេរិកពីតំបន់ប៉ាស៊ីហ្វិក បានឲ្យដឹងថា មានជំងឺបីប្រភេទ មានដូចជាជំងឺភ្នែក ជំងឺធ្មេញ និងជំងឺទូទៅ ព្រមទាំងឈឺសន្លាក់ដៃជើង ដែលពួកគេទទួលពិនិត្យ និងព្យាបាលជូនពលរដ្ឋខ្មែរមិនគិតថ្លៃក្នុងយុទ្ធនាការធ្វើលំហាត់ សមយុទ្ធឆ្មាំអង្គរឆ្នាំ២០១២នេះ។
មន្ត្រីស្ថានទូតអាមេរិកបានឲ្យដឹងថា សកម្មភាពចុះពិនិត្យ និងព្យាបាលជំងឺជូនពលរដ្ឋបានចាប់ផ្តើមកាលពីថ្ងៃទី១៤ ដល់ថ្ងៃទី២២ ខែមីនា ឆ្នាំ២០១២។
គ្រូពេទ្យនៃកងទ័ពអាមេរិក បានឲ្យដឹងថា ក្នុងរយៈពេល ៣ថ្ងៃ ដែលក្រុមការងារគ្រូពេទ្យកងទ័ពអាមេរិក ចុះពិនិត្យ និងព្យាបាលជំងឺជូនពលរដ្ឋរស់នៅស្រុកកំពត ខេត្តកំពត ក្នុង១ថ្ងៃមានអ្នកជំងឺជិត ១ពាន់នាក់ បានមករកសេវាពិនិត្យ និងព្យាបាល។
គ្រូពេទ្យអាមេរិកបានបន្តថា មនុស្សវ័យចំណាស់ភាគច្រើនត្រូវការសេវាព្យាបាលជំងឺភ្នែក ជំងឺមាត់ធ្មេញ និងជំងឺឈឺសន្លាក់ដៃជើងជាចាំបាច់។
អ្នកជំងឺភ្នែកច្រើននាក់ បន្ទាប់ពីទទួលបានសេវាព្យាបាលបានឲ្យដឹងថា ភ្នែកពួកគាត់បានមើលឃើញឡើងវិញ បន្ទាប់ពីងងឹតមើលមិនឃើញរយៈពេលពី ៣ ទៅ ៥ឆ្នាំ។ លោកបានស្នើទៅរដ្ឋាភិបាលកម្ពុជា និងរដ្ឋាភិបាលអាមេរិក ជួយបង្កើតឲ្យមានកម្មវិធីពិនិត្យ និងព្យាបាលជំងឺមិនគិតថ្លៃជូនពលរដ្ឋក្រីក្រឲ្យបានច្រើននា ថ្ងៃអនាគត។
អ្នកជំងឺភ្នែកក្រោយទទួលបានការព្យាបាលបានសម្ដែងក្ដីត្រេកអរ ព្រោះការព្យាបាលជំងឺបានទទួលជោគជ័យ ដោយភ្នែករបស់ពួកគាត់អាចមើលឃើញឡើងវិញ។
លោកវេជ្ជបណ្ឌិត សឿង សូរិយន្ត ជាគ្រូពេទ្យមកពីមជ្ឈមណ្ឌលវះកាត់កុមារកៀនឃ្លាំង ឯកទេសជំងឺភ្នែកដែលបានចូលរួមជាមួយគ្រូពេទ្យអាមេរិក។ លោកបានឲ្យដឹងកាលពីថ្ងៃទី១៦ ខែមីនា ថា មានអ្នកជំងឺភ្នែកប្រមាណ ៥០០នាក់ ក្នុង១ថ្ងៃ បានមករកសេវាព្យាបាល និងវះកាត់ដោយអ្នកជំងឺភាគច្រើនកើតជំងឺភ្នែកឡើងបាយ និងអ្នកជំងឺច្រើនទៀតត្រូវការវ៉ែនតាសម្រាប់ពាក់។
ទាក់ទងបញ្ហានេះ លោកវរសេនីយ៍ទោ ភី យ៉ាដេត មន្ត្រីក្រសួងការពារជាតិ ទទួលបន្ទុកពិនិត្យព្យាបាលជំងឺក្នុងសមយុទ្ធឆ្មាំអង្គរឆ្នាំ២០១២។ លោកបានឲ្យដឹងថា ក្រុមគ្រូពេទ្យជំនាញបានរកឃើញថា ជំងឺឈឺសន្លាក់ដៃជើង ជំងឺភ្នែក និងជំងឺធ្មេញដែលពលរដ្ឋកម្ពុជា កំពុងជួបប្រទះ នឹងត្រូវការសេវាព្យាបាលចាំបាច់។
ស្ថានទូតសហរដ្ឋអាមេរិកប្រចាំទីក្រុងភ្នំពេញ បានឲ្យដឹងថា លំហាត់សមយុទ្ធយោធារួមគ្នារវាងកងយោធពលខេមរៈភូមិន្ទ និងកងទ័ពអាមេរិក មានឈ្មោះថា ឆ្មាំអង្គរ បានចាប់ផ្ដើមពីថ្ងៃទី១៣ ដល់ថ្ងៃទី២២ ខែមីនា ឆ្នាំ២០១២ ដោយបានយកខេត្តកំពត និងខេត្តកំពង់ស្ពឺ សម្រាប់បើកយុទ្ធនាការ៕
កំណត់ចំណាំ៖ ចំពោះអ្នកបញ្ចូលមតិនៅក្នុងអត្ថបទនេះ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណាដែលមិនជេរប្រមាថដល់អ្នកដទៃតែ ប៉ុណ្ណោះ។
