ដោយ ៖ គឹម សុខជា
ថ្ងៃទី 10-03-2012 ម៉ោង 16:32:07
ខេត្ដបាត់ដំបង ៖ ប្រជាពលរដ្ឋបង់ សំណាញ់តាមប្រឡាយ បឹង បានបង់ជាប់ ត្រីក្រពើ១ក្បាលកាលពីដើមខែមីនា ឆ្នាំ២០១២ នៅចំណុចបឹងកំពង់ទូក ភូមិ ក្បាលខ្មោច ឃុំជ្រៃ ស្រុកថ្មគោល ខេត្ដ បាត់ដំបង ។ ចំណែកមន្ដ្រីជលផលបាន ហាមមិនឱ្យព្រលែងត្រីក្រពើចូលទៅបឹង ទន្លេ ប្រឡាយវិញឡើយ កាលពីព្រឹកថ្ងៃ ទី១០ខែមីនាឆ្នាំ២០១២ម្សិលមិញនេះ ។
លោក ហួន ហឿម អាយុ៤២ឆ្នាំ រស់ នៅភូមិ ឃុំខាងលើបានឱ្យអ្នកសារព័ត៌ មានដឹងថា កាលពីដើមខែមីនាឆ្នាំ២០១២ គាត់បានទៅបង់សំណាញ់នៅបឹងកំពង់ ទូក ក្នុងភូមិ ឃុំខាងលើ បានបង់ជាប់ ត្រីក្រពើ១ក្បាល ។ ចំណែកត្រីនោះមាន រូបរាងចម្លែកយ៉ាងខ្លាំង ដោយសារប្រជា ពលរដ្ឋមិនសូវស្គាល់ ដូច្នេះរូបគាត់ក៏ បានប្រគល់ទៅឱ្យឈ្មោះ បូ ធឿន ភេទប្រុស អាយុ៣៩ឆ្នាំ និងប្រពន្ធឈ្មោះ ណាត់ ម៉ាប់ អាយុ៣៥ឆ្នាំ ជាអ្នកយាមបឹងឱ្យ លោក ប៉ុល ស៊ីនួន កាលពីថ្ងៃទី៥ខែមីនា ឆ្នាំ២០១២ ។
នៅថ្ងៃទី៦ខែមីនាឆ្នាំ២០១២ ឈ្មោះ បូ ធឿន និងប្រពន្ធបានយកត្រីក្រពើ១ ក្បាលនោះទៅឱ្យមន្ដ្រីជលផលនិងដើម្បី ចង់ដឹងពីឈ្មោះរបស់ត្រីនេះផង ។ ក្រោយ ពីប្រគល់ត្រីឱ្យមន្ដ្រីជលផលសង្កាត់អូរតាគី មិនបានប៉ុន្មានថ្ងៃផង ក៏ទៅសុំយកត្រីនោះ ត្រឡប់មកវិញ ដាក់កែវចិញ្ចឹមទុកមើល។
លោក ម៉េង សុថៃ នាយសង្កាត់រដ្ឋ បាលជលផលអូរតាគីបានឱ្យដឹងថា ត្រី១ ក្បាលដែលប្រជាពលរដ្ឋបង់បាន ហើយ យកប្រគល់ឱ្យសមត្ថកិច្ចជលផល គឺឈ្មោះ ត្រីក្រពើ ។ ត្រីក្រពើនេះត្រូវបានម្ចាស់មក សុំយកទៅចិញ្ចឹមដាក់កែវទុកមើល ។
លោក ម៉េង សុថៃ បានបញ្ជាក់ថា ត្រីក្រពើជាត្រីកាចសាហាវ ហើយត្រី នេះច្រើនមាននៅតាមដងទន្លេមេគង្គ ហើយប្រសិនបើប្រជាពលរដ្ឋណាចាប់ បាន សូមកុំព្រលែងវាចូលទឹកវិញ ខ្លាច វាស៊ីត្រីផ្សេងៗ ឬខាំមនុស្ស ៕
