រាជធានិភ្នំពេញ៖ ប្រជាពលរដ្ឋ ដែលរងគ្រោះដី ធ្លី ប្រមាណជាង ២០០នាក់ ដែលអះអាងថាជាតំណាងប្រជាពលរដ្ឋ ៤០៥ គ្រួសារ មកពីភូមិស្រែថ្មី ឃុំខ្ទឹម ស្រុកស្នួល ខេត្តក្រចេះ នៅព្រឹកថ្ងៃទី១៦ ខែឧសភា ឆ្នាំ២០១៤ បានលើកគ្នា មកដង្ហែ ក្បួនតវ៉ា និងដាក់ញត្តិនៅស្ថានទូតមួយចំនួនប្រចំាកម្ពុជា ដើម្បីទាមទារឲ្យស្ថានទូតទំាងនោះ ជួយអន្តរាគមន៏ឲ្យក្រុមហ៊ុនប៊ិញភឿក២ របស់វៀតណាម បញ្ឈប់ ជាបន្ទាន់ ក្នុងការឈូសឆាយដី ដែលពួកគាត់ អះអាងថា ក្រុមហ៊ុនបានរំលោភយក របស់ពួកគាត់។ញត្តិ ដែលប្រជាពលរដ្ឋ រងគ្រោះដី ធ្លី ដាក់ជូនស្ថានទូតមួយចំនួន គឺប្តឹង បដិសេធស្នាមមេដៃ ដែលក្រុមមន្ត្រី បក្សពួកអភិបាលខេត្តក្រចេះ បាន បោកបញ្ឆោត លើសេចក្តីទុកចិត្ត ប្រមូលស្នាមមេដៃ ពួកគាត់ថា ព្រមប្រគល់ដី ឲ្យក្រុមហ៊ុនយួន ឈ្មោះប៊ិញ ភឿក២ កាលពីថ្ងៃទី០៧ ខែឧសភា ឆ្នាំ២០១៤កន្លងទៅថ្មីៗនេះ។
ស្ថានទូតដែលប្រជាពលរដ្ឋខាងលើយកញត្តិទៅដាក់នៅព្រឹកថ្ងៃសុក្រនេះដូចជា៖ ស្ថានទូតបារាំង, អាមេរិក និងស្ថានទូតអូស្ត្រាលី ….។ល។
យ៉ាងណា ក៏ដោយសកម្មភាព របស់ ប្រជាពលរដ្ឋដែលរងគ្រោះដី ធ្លីខាងលើនេះដែរ គេពុំឃើញមានការ រារំាង ឬ កើតមានអំពើហិង្សាណាមួយជាមួយកងកម្លំាងសមត្ថកិច្ចនោះទេ ។
សូមបញ្ជាក់ថា កងកម្លាំងប្រដាប់អាវុធ និងសន្តិសុខក្រុមហ៊ុនយួនមួយនេះ បានរំលំ និងដុតបំផ្លាញ ផ្ទះប្រជាពលរដ្ឋ នៅតំបន់នោះ អស់ជាង ២៦០ខ្នងរួចមកហើយ មុនពេលបោកបញ្ឆោត ស្នាមមេ ដៃថា ជាដីដែលប្រជាពលរដ្ឋប្រគល់ឲ្យ។
*** កំណត់សម្គាល់
