ដោយ ៖ ហេង សូរិយា|ថ្ងៃទី 01 កក្កដា 2013 ម៉ោង 13:43:06
លោក អ៊ាង សុផល្លែត ជំនួយការ សម្ដេចអគ្គមហាសេនាបតីតេជោ ហ៊ុន សែន បានប្រាប់ឱ្យដឹងនៅក្រោយជំនួប សម្ដែងការគួរសមជាមួយសម្ដេចអគ្គ មហាសេនាបតីតេជោ ហ៊ុន សែន នាយក រដ្ឋមន្ដ្រីនៃព្រះរាជាណាចក្រកម្ពុជានា ព្រឹកថ្ងៃទី១ ខែកក្កដា ឆ្នាំ២០១៣ នៅ វិមានសន្ដិភាព ខណៈដែលលោក AMJAFD ALi SHER ត្រូវបានតែងតាំង ជាឯកអគ្គរដ្ឋទូតថ្មីបាគីស្ថានប្រចាំនៅ ព្រះរាជាណាចក្រកម្ពុជា ។
លោកឯកអគ្គរដ្ឋទូតថ្មីបានញំនាំពាក្យ ផ្ដាំផ្ញើសាកសួរពីលោកប្រធានាធិបតី លោកនាយករដ្ឋមន្ដ្រីបាគីស្ថានជូនចំពោះ សម្ដេចតេជោនាយករដ្ឋមន្ដ្រីនៃព្រះ រាជាណាចក្រកម្ពុជាផងដែរ ។
លោកមានប្រសាសន៍ថា តាមរយៈការផ្លាស់ប្ដូរទស្សនកិច្ចជំរុញទំនាក់ទំនង ប្រជាជននិងប្រជាជន ជំរុញវិស័យពាណិជ្ជ កម្ម និងវិស័យដ៏ទៀត ដែលជាកត្ដាសំខាន់ក្នុងការពង្រីកទំនាក់ទំនងប្រទេស ទាំង២ ។
ជាការឆ្លើយតបសម្ដេចអគ្គមហា សេនាបតីតេជោ ហ៊ុន សែន នាយករដ្ឋ មន្ដ្រីនៃព្រះរាជាណាចក្រកម្ពុជាបាន ថ្លែងអំណរគុណចំពោះការញំនាំនូវពាក្យ ផ្ដាំផ្ញើសួរសុខទុក្ខអំពីលោកប្រធានា ធិបតីបាគីស្ថាន និងលោកនាយករដ្ឋ មន្ដ្រីជូនចំពោះសម្ដេច ។ សម្ដេចតេជោ ក៏បានសម្ដែងនូវការស្វាគមន៍ និងអបអរ ជូនចំពោះលោក AMJAFD ALi SHER ដែលបានត្រូវតែងតាំងជាឯក អគ្គរដ្ឋទូតវិសាមញ្ញ និងពេញសមត្ថភាព ប្រចាំនៅព្រះរាណាចក្រកម្ពុជា ។ សម្ដេច បានមានប្រសាសន៍ថា សម្ដេចមាន មោទនភាព ហើយសង្ឃឹមថា ទំនាក់ ទំនងរបស់ប្រទេសទាំង២កម្ពុជា-បាគីស្ថាន តាមរយៈលោក AMJAFD ALi SHER នឹងត្រូវបានពង្រឹងបន្ថែមទៀត ។
សម្ដេចបានមានប្រសាសន៍ថា អតីត នាយករដ្ឋមន្ដ្រីបាគីស្ថានបានមកធ្វើ ទស្សនកិច្ចនៅព្រះរាជាណាចក្រកម្ពុជា នៅឆ្នាំ២០០៤ នៅពេលនោះលោក នាយករដ្ឋមន្ដ្រីបាគីស្ថានបានចុះហត្ថ លេខាលើកិច្ចសន្យាការពារ និងវិនិយោគ។
សម្ដេចសង្ឃឹមថា តាមរយៈលោក ឯកអគ្គរដ្ឋទូតថ្មីបាគីស្ថាននេះ នឹងជំរុញ អ្នកវិនិយោគឱ្យមកកាន់ព្រះរាជាណាចក្រ កម្ពុជាបានកាន់តែខ្លាំងឡើង ។ ទន្ទឹមនេះ ដែរសម្ដេចបានថ្លែងអំណរគុណចំពោះ ប្រទេសបាគីស្ថានដែលបានផ្ដល់អាហា រូបករណ៍ដល់និស្សិតកម្ពុជាដែលបានទៅ បំពេញការសិក្សានៅប្រទេសបាគីស្ថាននោះ ៕
