ថ្ងៃព្រហស្បត្ត៏ ទី១១ ខែកក្កដា ឆ្នាំ២០១៣ ម៉ោង ១៥:៣៧
កោះសន្តិភាព
សពស្ត្រីរងគ្រោះ
ខេត្តក្រចេះ ៖
ស្ត្រីម្នាក់ត្រូវជនដៃដល់កាប់ជាច្រើនពូថៅបណ្តាលឱ្យស្លាប់
ក្នុងថ្លុកឈាមនៅក្នុងព្រៃប្ញស្សីខាងក្រោយរោងចំការចំងាយជិត
២០០ម៉ែត្រ
ខណៈពេលស្ត្រីរងគ្រោះដើរទៅជីកទំពាំងតែម្នាក់ឯងនៅចំណុចបុសផល
ក្នុងភូមិច្រវ៉ា ឃុំគោលាប់ ស្រុកចិត្របុរី
ហើយត្រូវក្រុមគ្រួសារដើររកប្រទះឃើញកាលពីព្រឹក ថ្ងៃទី១១ កក្កដា
២០១៣ ក្រោយពីស្ត្រីរងគ្រោះបាត់ពីផ្ទះមួយថ្ងៃមួយយប់រួចមក។
នគរបាលស្រុកចិត្របុរីបានសន្និដ្ឋានថា
ករណីឃាតកម្មនេះអាចបណ្តាលមកពីរឿងគំនុំ ហើយជនដៃដល់
និងស្ត្រីរងគ្រោះជាមនុស្សស្គាល់គ្នាទើបជនសង្ស័យកាប់សម្លាប់
បំបិទភស្តុតាង។ លោកអនុសេនីយ៍ទោ ហឿន ពិសិដ្ឋ
នាយប៉ុស្តិ៍រដ្ឋបាលគោលាប់បានឱ្យដឹងថា ស្ត្រីរងគ្រោះឈ្មោះស៊ឹម
វ៉ុន អាយុ៤៩ឆ្នាំ មានកូន៤នាក់ ប្រុស២នាក់
ត្រូវជនដៃដល់កាប់ជាច្រើនពូថៅចំថ្ងាសខាងមុខ ចង្ការ
និងក្រោយខ្នងបណ្តាលឱ្យស្លាប់ភ្លាមៗ ។
ស្ត្រីរងគ្រោះមានទីលំនៅភូមិអញ្ចាញ ឃុំដារ ស្រុកចិត្របុរី
និងបានមកស្នាក់នៅធ្វើចំការនៅចំណុចកើតហេតុខាងលើ។
បើតាមការរៀបរាប់របស់បុរសជាប្តីឈ្មោះមីន
រ៉ា អាយុ៤៨ឆ្នាំ បានឱ្យសមត្ថកិច្ចដឹងថា
កាលពីថ្ងៃកើតហេតុគាត់នៅរោងចំការខាងមុខ
ហើយប្រពន្ធរបស់គាត់បានទៅជីកទំពាំងប្ញស្សីនៅព្រៃខាងក្រោយ
ម្នាក់ឯង ហើយបាត់ឈឹងរហូត ។ ដោយបាត់ដំណឹងយូរពេក គាត់
និងក្រុមគ្រួសារនាំគ្នាដើររកក៏ប្រទះឃើញស្ត្រីជាប្រពន្ធដេក
ស្លាប់ក្នុងថ្លុកឈាមបង្កការភ្ញាក់ផ្អើលដល់សមត្ថកិច្ចជំនាញចុះ
មកពិនិត្យកន្លែងកើតហេតុតែម្តង៕
