រាជធានីភ្នំពេញ ៖ កាលពី វេលា ម៉ោង ៦និង១៥នាទីព្រឹក ថ្ងៃទី ១ កក្កដា នៅបន្ទប់ស្នាក់នៅលេខ១៤ ជាន់ទទី៥ នៃអគារក្នុងបូរីកីឡា B សង្កាត់វាលវង់ ខណ្ឌ៧មករា បាន លោតសម្លាប់ខ្លួនបណ្តាល ឲ្យរង របួសធ្ងន់ ក្រោយពេល បញ្ជូន ដល់ មន្ទីរពេទ្យបានស្លាប់បាត់បង់ជីវិត ។
បុរសដែលលោតពីលើអគារជាន់ទី៥សម្លាប់ខ្លួនមានឈ្មោះ ចាន់ រី ភេទប្រុស អាយុ២២ឆ្នាំ មុខរបរកម្មករសំណង់ មានប្រពន្ធឈ្មោះ សុខ ស្រស់ អាយុ២៤ឆ្នាំ ធ្វើការជាមួយគ្នា មិនទាន់មានកូនទេ មានស្រុកកំណើតនៅភូមិព្រែកក្របៅ ឃុំព្រែកក្របៅ ស្រុកខ្សាច់កណ្តាល ខេត្ត កណ្តាល ។
ប្រភពព័ត៌មានពីស្រ្តីជាប្រពន្ធបានឲ្យដឹងថា កាលពីយប់ថ្ងៃកើតហេតុពួកគេទាំងពីរនាក់បាន ឈ្លោះប្រកែកគ្នា ប៉ុន្តែមិនទាន់បានបញ្ជាក់ពី មូលហេតុច្បាស់លាស់នៅឡើយទេ ។ លុះព្រឹក ឡើងស្រាប់តែបុរសជាប្តីបានលោតពីលើអគារ ជាន់ទី៥សម្លាប់ខ្លួន បណ្តាលឲ្យធ្លាក់បោកក្បាល រងរបួសធ្ងន់ធ្ងរ ពេលបញ្ជូនទៅដល់មន្ទីរពេទ្យបង្អែករាជធានីភ្នំពេញបានស្លាប់បាត់ទៅហើយ ។ សពបុរសខាងលើត្រូវសមត្ថកិច្ចប្រគល់ឲ្យសាច់ញាតិយកទៅធ្វើបុណ្យតាមប្រពៃណីនៅ ស្រុកកំណើត ៕akt