ថ្ងៃទី 14 ខែសីហា ឆ្នាំ2012, ម៉ោង 07:08 AM ឈ ភ
2006-06-19
នៅថ្ងៃទី១៣ ខែសីហា ឆ្នាំ២០១២ ដោយសារតែគ្រោះថ្នាក់ចរាចរណ៍បង្កឡើងដោយរថយន្តក្រុងនៅក្នុងរយៈពេល ៦ខែ ឆ្នាំ២០១២ កន្លងទៅនេះ បានកើនឡើងទ្វេដងនោះ អគ្គស្នងការដ្ឋាននគរបាលជាតិ បានកោះហៅមន្ត្រីជាន់ខ្ពស់មកពីក្រសួងសាធារណការ និងដឹកជញ្ជូន មន្ត្រីនគរបាលសណ្ដាប់ធ្នាប់សាធារណៈ
ព្រមទាំងតំណាងក្រុមហ៊ុនរថយន្តក្រុង និងប្រធានក្រុមហ៊ុនរថយន្តក្រុង ចំនួនជិត ៣០ក្រុមហ៊ុន បានមកចូលរួមក្នុងកិច្ចប្រជុំពិភាក្សា ពេញមួយព្រឹក ហើយតម្រូវឲ្យតំណាងក្រុមហ៊ុនបានមកចូលរួមនោះ ចុះហត្ថលេខាលើកិច្ចសន្យាចំនួន ៦ចំណុច ដើម្បីកាត់បន្ថយគ្រោះថ្នាក់ចរាចរណ៍នៅប្រទេសកម្ពុជា។
នៅក្នុងកិច្ចប្រជុំពិភាក្សានោះ លោកនាយឧត្តមសេនីយ៍ នេត្រ សាវឿន នាយអគ្គស្នងការនគរបាលជាតិ បានព្រមានថា នៅថ្ងៃអនាគត អាជ្ញាធរមានសមត្ថកិច្ច រាប់ទាំងនគរបាលជាតិ និងក្រសួងសាធារណការ និងដឹកជញ្ជូន មានផែនការដាក់ឈ្មោះអ្នកបើកបរណាដែលល្មើសច្បាប់ចរាចរណ៍ច្រើនលើក និងល្មើសបទដ្ឋានសុវត្ថិភាពចរាចរណ៍ញឹកញាប់នៅក្នុងបញ្ជីខ្មៅ ដើម្បីហាមឃាត់ជននោះមិនឲ្យក្រុមហ៊ុនរថយន្តណាមួយទទួលយកធ្វើការ បើកបរទៀតឡើយ។ចំណែកឯក្រុមហ៊ុនរថយន្តក្រុងណាដែលបង្កគ្រោះថ្នាក់ ចរាចរណ៍ញឹកញាប់ និងធ្វេសប្រហែសច្រើនដងពេក នឹងប្រឈមមុខការដកអាជ្ញាប័ណ្ណ ឬបិទអាជីវកម្មក្រុមហ៊ុននោះតែម្តង។
តាមរបាយការណ៍របស់ក្រសួងសាធារណការ និងដឹកជញ្ជូន និងនគរបាលចរាចរណ៍ បានរកឃើញថា នៅក្នុងរយៈ៦ខែ ឆ្នាំ២០១២ កន្លងទៅនេះ រថយន្តក្រុងនានា បានបង្កគ្រោះថ្នាក់ចរាចរណ៍កើនដល់ចំនួនជិត ៤០ករណី ប្រៀបធៀបនឹងរយៈពេល៦ខែ ឆ្នាំ២០១១ កន្លងទៅនេះ គឺចំនួនជាង ១០ករណី។ ចំនួនមនុស្សស្លាប់ក្នុងគ្រោះថ្នាក់ចរាចរណ៍ទូទៅនៅក្នុងរយៈពេល៦ខែ នៅឆ្នាំ២០១២ កន្លងទៅនេះ គឺចំនួនជាង១ពាន់នាក់ និងមនុស្សរងរបួសចំនួនជាង ៥ពាន់នាក់។
លោកនាយឧត្តមសេនីយ៍ នេត្រ សាវឿន អគ្គស្នងការនគរបាលជាតិ បានមានប្រសាសន៍ដោយសម្ដីម៉ឺងម៉ាត់ថា មុននឹងឈានដល់ការដាក់ឈ្មោះក្នុងបញ្ជីខ្មៅ នៃអ្នកបើកបរនោះ និងបិទអាជីវកម្មក្រុមហ៊ុន គឺឆ្លងកាត់ការអប់រំ និងព្រមានច្រើនដង។
លោក តូច ច័ន្ទកុសល្យ រដ្ឋលេខាធិការក្រសួងសាធារណការ និងដឹកជញ្ជូន បានមានប្រសាសន៍ថា ម្ចាស់ក្រុមហ៊ុនរថយន្តក្រុងនានាមិនត្រូវអនុញ្ញាតឲ្យអ្នកបើកបរណា ដែលសុំច្បាប់ទៅជប់លៀង ឬហូបការ មកបើកបរភ្លាមៗទេ ដោយសារតែជននោះមិនទាន់ស្វាងពីជាតិស្រវឹង៖ ។
ចំណែកលោក កូ កុកវ៉ាន់ តំណាងក្រុមហ៊ុនរថយន្តក្រុងឈ្មោះ កាពីតូល បានមានប្រសាសន៍ថារថយន្តក្រុងរបស់លោកមានចំនួនសរុប១៨០គ្រឿង។ រយៈពេល៦ខែ ឆ្នាំ២០១២ កន្លងទៅនេះ រថយន្តរបស់លោកមានគ្រោះថ្នាក់ចរាចរណ៍ចំនួន១៣ករណី បណ្ដាលឲ្យមនុស្សស្លាប់ចំនួន១៨នាក់ និងរងរបួសចំនួន៣៧នាក់។
ការសិក្សាស្រាវជ្រាវកន្លងមក ដោយមន្ត្រីនគរបាលចរាចរណ៍ បានរកឃើញថា រថយន្តក្រុងមួយចំនួនមានបញ្ហាខូចហ្វ្រាំង ខូចចង្កូត ខូចភ្លើងសញ្ញា កុងទ័រល្បឿនមិនដើរ និងអ្នកបើកបរមានសារធាតុស្រវឹងជាដើម៕agkor thom
នៅថ្ងៃទី១៣ ខែសីហា ឆ្នាំ២០១២ ដោយសារតែគ្រោះថ្នាក់ចរាចរណ៍បង្កឡើងដោយរថយន្តក្រុងនៅក្នុងរយៈពេល ៦ខែ ឆ្នាំ២០១២ កន្លងទៅនេះ បានកើនឡើងទ្វេដងនោះ អគ្គស្នងការដ្ឋាននគរបាលជាតិ បានកោះហៅមន្ត្រីជាន់ខ្ពស់មកពីក្រសួងសាធារណការ និងដឹកជញ្ជូន មន្ត្រីនគរបាលសណ្ដាប់ធ្នាប់សាធារណៈ
ព្រមទាំងតំណាងក្រុមហ៊ុនរថយន្តក្រុង និងប្រធានក្រុមហ៊ុនរថយន្តក្រុង ចំនួនជិត ៣០ក្រុមហ៊ុន បានមកចូលរួមក្នុងកិច្ចប្រជុំពិភាក្សា ពេញមួយព្រឹក ហើយតម្រូវឲ្យតំណាងក្រុមហ៊ុនបានមកចូលរួមនោះ ចុះហត្ថលេខាលើកិច្ចសន្យាចំនួន ៦ចំណុច ដើម្បីកាត់បន្ថយគ្រោះថ្នាក់ចរាចរណ៍នៅប្រទេសកម្ពុជា។
នៅក្នុងកិច្ចប្រជុំពិភាក្សានោះ លោកនាយឧត្តមសេនីយ៍ នេត្រ សាវឿន នាយអគ្គស្នងការនគរបាលជាតិ បានព្រមានថា នៅថ្ងៃអនាគត អាជ្ញាធរមានសមត្ថកិច្ច រាប់ទាំងនគរបាលជាតិ និងក្រសួងសាធារណការ និងដឹកជញ្ជូន មានផែនការដាក់ឈ្មោះអ្នកបើកបរណាដែលល្មើសច្បាប់ចរាចរណ៍ច្រើនលើក និងល្មើសបទដ្ឋានសុវត្ថិភាពចរាចរណ៍ញឹកញាប់នៅក្នុងបញ្ជីខ្មៅ ដើម្បីហាមឃាត់ជននោះមិនឲ្យក្រុមហ៊ុនរថយន្តណាមួយទទួលយកធ្វើការ បើកបរទៀតឡើយ។ចំណែកឯក្រុមហ៊ុនរថយន្តក្រុងណាដែលបង្កគ្រោះថ្នាក់ ចរាចរណ៍ញឹកញាប់ និងធ្វេសប្រហែសច្រើនដងពេក នឹងប្រឈមមុខការដកអាជ្ញាប័ណ្ណ ឬបិទអាជីវកម្មក្រុមហ៊ុននោះតែម្តង។
តាមរបាយការណ៍របស់ក្រសួងសាធារណការ និងដឹកជញ្ជូន និងនគរបាលចរាចរណ៍ បានរកឃើញថា នៅក្នុងរយៈ៦ខែ ឆ្នាំ២០១២ កន្លងទៅនេះ រថយន្តក្រុងនានា បានបង្កគ្រោះថ្នាក់ចរាចរណ៍កើនដល់ចំនួនជិត ៤០ករណី ប្រៀបធៀបនឹងរយៈពេល៦ខែ ឆ្នាំ២០១១ កន្លងទៅនេះ គឺចំនួនជាង ១០ករណី។ ចំនួនមនុស្សស្លាប់ក្នុងគ្រោះថ្នាក់ចរាចរណ៍ទូទៅនៅក្នុងរយៈពេល៦ខែ នៅឆ្នាំ២០១២ កន្លងទៅនេះ គឺចំនួនជាង១ពាន់នាក់ និងមនុស្សរងរបួសចំនួនជាង ៥ពាន់នាក់។
លោកនាយឧត្តមសេនីយ៍ នេត្រ សាវឿន អគ្គស្នងការនគរបាលជាតិ បានមានប្រសាសន៍ដោយសម្ដីម៉ឺងម៉ាត់ថា មុននឹងឈានដល់ការដាក់ឈ្មោះក្នុងបញ្ជីខ្មៅ នៃអ្នកបើកបរនោះ និងបិទអាជីវកម្មក្រុមហ៊ុន គឺឆ្លងកាត់ការអប់រំ និងព្រមានច្រើនដង។
លោក តូច ច័ន្ទកុសល្យ រដ្ឋលេខាធិការក្រសួងសាធារណការ និងដឹកជញ្ជូន បានមានប្រសាសន៍ថា ម្ចាស់ក្រុមហ៊ុនរថយន្តក្រុងនានាមិនត្រូវអនុញ្ញាតឲ្យអ្នកបើកបរណា ដែលសុំច្បាប់ទៅជប់លៀង ឬហូបការ មកបើកបរភ្លាមៗទេ ដោយសារតែជននោះមិនទាន់ស្វាងពីជាតិស្រវឹង៖ ។
ចំណែកលោក កូ កុកវ៉ាន់ តំណាងក្រុមហ៊ុនរថយន្តក្រុងឈ្មោះ កាពីតូល បានមានប្រសាសន៍ថារថយន្តក្រុងរបស់លោកមានចំនួនសរុប១៨០គ្រឿង។ រយៈពេល៦ខែ ឆ្នាំ២០១២ កន្លងទៅនេះ រថយន្តរបស់លោកមានគ្រោះថ្នាក់ចរាចរណ៍ចំនួន១៣ករណី បណ្ដាលឲ្យមនុស្សស្លាប់ចំនួន១៨នាក់ និងរងរបួសចំនួន៣៧នាក់។
ការសិក្សាស្រាវជ្រាវកន្លងមក ដោយមន្ត្រីនគរបាលចរាចរណ៍ បានរកឃើញថា រថយន្តក្រុងមួយចំនួនមានបញ្ហាខូចហ្វ្រាំង ខូចចង្កូត ខូចភ្លើងសញ្ញា កុងទ័រល្បឿនមិនដើរ និងអ្នកបើកបរមានសារធាតុស្រវឹងជាដើម៕agkor thom