Jul-27-2012
តាកែវ៖ កម្លាំងនគរបាលព្រហ្មទណ្ឌកម្រិតធ្ងន់ស្រុកបូរីជលសារបានធ្វើការឃាត់ខ្លួនបុរស ២នាក់ បញ្ជូនទៅកាន់
តុលាការខេត្តតាមដីកាបង្គាប់របស់តុលាការពីបទបង្កអគ្គិភ័យដោយចេតនា និងប្លន់ កាលពី១៧ ខែ មករា ឆ្នាំ២០០៦
នៅភូមិកំពង់ក្រសាំង ឃុំ កំពង់ក្រសាំង ស្រុកបូរីជលសារ ខេត្តតាកែវ។ការឃាត់ខ្លួននេះគឺធ្វើឡើងតាមដីកាបង្គាប់របស់តុលាការលេខ៣៨ អ.ក ០៦ និង លេខ៤០ អ.ក ០៦ ចុះថ្ងៃទី១៥
ខែមីនា ឆ្នាំ២០០៦ ចុះហត្ថលេខាដោយលោក ហុក វណ្ណធីណា ចៅក្រមស៊ើបអង្កេតតុលាការខេត្តតាកែវបានបង្គាប់ឲ្យ
ចាប់ខ្លួនជនសង្ស័យទី១ឈ្មោះ សុខ មិន ភេទប្រុស អាយុ ៥២ឆ្នាំ, ទី២ឈ្មោះ ផន ធី ភេទប្រុស អាយុ ៤៦ឆ្នាំ
ជនសង្ស័យទាំង ២នាក់ខាងលើ មានទីលំនៅភូមិកំពង់ក្រសាំង ឃុំកំពង់ក្រសាំង ខេត្តតាកែវ ហើយជនខាងលើ
បានបង្កអគ្គិភ័យដោយចេតនា និងប្លន់ កាលពីថ្ងៃទី១៧ ខែមករា ឆ្នាំ ២០០៦ នៅចំណុចភូមិ-ឃុំខាងលើ ហើយទើបតែ
ឃាត់ខ្លួនបានកាលពីវេលាម៉ោង ១១ ថ្ងៃទី ២៥ ខែ កក្កដា ឆ្នាំ២០១២ នៅចំណុចផ្ទះជនសង្ស័យខាងលើ។
បន្ទាប់ពីធ្វើការឃាត់ខ្លួនបានភ្លាមៗ កម្លាំងនគរបាលក៏បញ្ជូនជនសង្ស័យទៅកាន់តុលាការខេត្តតាកែវនៅថ្ងៃដដែលនោះ
ដើម្បីចាត់ការតាមផ្លូវច្បាប់៕cam111
