Jul-26-2012
យោងតាមស្ត្រីម្ចាស់ផ្ទះឈ្មោះ តាន់ វ៉ាន់ថាន អាយុ៥០ឆ្នាំ បានឲ្យដឹងថា រូបគាត់ហាក់ដូចជាមានសំណាងខ្ពស់
ដោយបានដើរទៅលេងផ្ទះប្អូន ស្ថិតនៅក្នុងភូមិមេម៉ាយ បានប្រហែលជាកន្លះម៉ោង ស្រាប់តែអ្នកភូមិរត់ទៅប្រាប់ថា
ផ្ទះគាត់ត្រូវរថយន្តបុកបាក់ខ្ទេចរាបដល់ដី ធ្វើឲ្យសម្ភារនៅក្នុងផ្ទះបាក់បែកខូចខាតគ្មានសល់។
គាត់បន្តថា ជារៀងរាល់ថ្ងៃគាត់តែងតែនៅសម្រាកផ្ទះមិនដែលបានចេញទៅណានោះទេ។ តែនៅថ្ងៃកើតហេតុនេះ
អាចចាត់ទុកថា ជាសំណាងរបស់គាត់ ដែលបានដើរទៅលេងផ្ទះប្អូន ទើបចៀសផុតពីគ្រោះថ្នាក់ដល់អាយុជីវិត
បើពុំនោះទេនឹងត្រូវស្លាប់ក្នុងគំនរបំណែកបែកបាក់ផ្ទះជាក់ជាមិនខាន។ ចំពោះការខូចខាតផ្ទះសម្បែងនេះគាត់មិន
ប្តឹងប្តល់អ្វីនោះទេ តែខាងភាគីម្ចាស់រថយន្តត្រូវតែធ្វើផ្ទះឈើឲ្យបានដូចដើមឡើងវិញ ទើបយល់ព្រម។
ចំណុះ ២តោនកន្លះដឹកស៊ីម៉ងត៍បើកបុកយ៉ាងពេញទំហឹង។ ហេតុការណ៍នេះបានកើតឡើងកាលពីវេលាម៉ោង
១ និង ៣០នាទីរសៀលថ្ងៃទី២៤ កក្កដា ស្ថិតនៅភូមិមេម៉ាយ សង្កាត់បឹងកុក ក្រុងកំពង់ចាម។ សំណាងល្អមិនមាន
មនុស្សស្លាប់ ដោយគ្រាន់តែអ្នកបើករថយន្តដឹកគ្រឿងសំណង់រងរបួស ត្រូវបានគេនាំទៅសង្គ្រោះនៅមន្ទីរពេទ្យ.។
តាមសាក្សីនិយាយថា មុនពេលកើតហេតុ រថយន្តដឹកគ្រឿងសំណង់មួយគ្រឿងនេះ បានបើកពីត្បូងទៅជើង
យ៉ាងលឿន លុះពេលមកដល់ផ្លូវបំបែកជាបួន រថយន្តបានបួងចង្កូតបត់មកខាងឆ្វេងដៃ ក៏ជ្រុលល្បឿនទៅបុកផ្ទះរបស់ប្រជាពលរដ្ឋលាន់ដូចរន្ទះ បណ្តាលឲ្យផ្ទះឈើមួយខ្នងរលំបាក់ខ្ទេចខ្ទី និងខូចខាតរបស់ទ្រព្យក្នុងផ្ទះអស់គ្មានសល់។
មន្ត្រីនគរបាលចរាចរនៃអធិការដ្ឋានក្រុងកំពង់ចាមបានបញ្ជាក់ថា អ្នកបើកបរឈ្មោះ ប៉ាង ភេទប្រុស អាយុ ៣២ឆ្នាំ
រស់នៅភូមិបឹងកុកទី១ សង្កាត់បឹងកុក ក្រុងកំពង់ចាម។ ការដែលអ្នកបើកបរយានយន្តគ្រប់ប្រភេទ បើកឆ្លងកាត់ផ្លូវនេះ
គឺខុសច្បាប់ចរាចរណ៍ទាំងស្រុង ព្រោះមានស្លាកសញ្ញាហាមឃាត់។
ក្រោយពេលកើតហេតុ រថយន្តបង្កត្រូវបានយកទៅរក្សាទុកនៅអធិការដ្ឋាននគរបាលក្រុងកំពង់ចាម ដើម្បីដោះស្រាយ
តាមច្បាប់៕www.tcnewscambodia.com