ថ្ងៃទី 23 ខែកក្កដា ឆ្នាំ2012, ម៉ោង 09:18 AM ឈ ភ កាសែត South China Morning Post និងកាសែត The Straits Times បានសរសេរពណ៌នាអំពីកិច្ចប្រជុំកំពូលថា ទៅវិញ ព្រោះថា តំណាងប្រទេសរួមប្រជុំក្នុងជំនួបកំពូលអាស៊ាននាពេលថ្មីៗនេះ ដែលកម្ពុជាទទួលរៀបចំក្នុងនាមជាប្រធានអាស៊ានប្រចាំឆ្នាំ២០១២ នោះត្រូវបរាជ័យ ព្រោះមិនបានឯកភាពគ្នាប្រើភាសាតែមួយ គឺគ្រាន់តែធ្វើសេចក្ដីថ្លែងការណ៍ផ្លូវការរួមមួយ ប៉ុណ្ណោះ។អ្នកការទូតអាស៊ានជាច្រើនបន្ទោសកម្ពុជា ជាពិសេសសម្តេចនាយករដ្ឋមន្រ្តី ហ៊ុន សែន និងលោករដ្ឋមន្ត្រីការបរទេស ហោ ណាំហុង ថាបានធ្វើឲ្យបរិយាកាសជំនួបកំពូលមានភាពជូរចត់ ហើយមន្ត្រីតំណាងប្រទេសមួយចំនួនបានខំប្រឹងប្រែងចរចាស្វែងរក ដំណោះស្រាយ ដើម្បីចេញសេចក្ដីថ្លែងការណ៍ផ្លូវការមួយ រហូតដល់ថ្ងៃសុក្រ ទី២០ កក្កដា កន្លងទៅនេះ ប៉ុន្តែមិនបានសម្រេចផល។ អ្នកការទូតទាំងនោះពោលថា កម្ពុជាដើរតួនាទីរបស់ខ្លួនជាប្រធានអាស៊ានលេងអុកជាមួយមហាអំណាច ផង ជាមួយប្រទេសជាមិត្តផង ដែលមានវិវាទដែនសមុទ្រជាមួយចិន នៅតំបន់សមុទ្រខាងត្បូង។ទោះជាយ៉ាងនេះក្តី លោក ហោ ណាំហុង មិនអើពើនឹងសេចក្ដីព្រាង និងកិច្ចសម្របសម្រួលចំនួន ១៨ដង ដែលវៀតណាម និងហ្វីលីពីន បានស្នើនោះដែរ។ អ្នកការទូតអាស៊ាន មានការងឿងឆ្ងល់ថា ហេតុអ្វីបានជាកម្ពុជា ហ៊ានយកចិត្តចិន ហើយធ្វើឲ្យវៀតណាម អាក់អន់ចិត្ត? នៅទីបំផុតបេសកជនអាស៊ាន បារម្ភថា តើសម្តេច ហ៊ុន សែន នឹងសាបព្រោះការបំបែកបំបាក់ទៅថ្ងៃមុខទៀត ឬយ៉ាងណា? ប៉ុន្តែកាលពីថ្ងៃសុក្រ ទី២០ កក្កដាកន្លងមកថ្មីៗនេះ លោក ហោ ណាំហុង មានប្រសាសន៍ក្នុងសន្និសីទកាសែត ថា កម្ពុជាចង់ឃើញការដោះស្រាយវិវាទនៅសមុទ្រចិនខាងត្បូងនោះ ដោយសន្តិវិធី ។ ជំហរកម្ពុជា ជាប្រធានអាស៊ាន ចង់ឲ្យមានដំណោះស្រាយដោយសន្តិវិធី។ កម្ពុជាចង់បានសេចក្ដីប្រកាសរួម ទុកផ្លូវឲ្យមានការដោះស្រាយទៅថ្ងៃមុខទៀត។Agkor thom |