Aug-01-2012
ភ្ញាក់ស៊ីផ្លេឡាន ហើយរេចង្កូតម៉ូតូជ្រុលទៅបុកបង្គោលថ្មក្បែរគល់ស្ពាន។ ហេតុការណ៍នេះបានកើតឡើង
កាលពីវេលាម៉ោង ៥ និង ៥០នាទីលា្ងចថ្ងៃទី៣០ ខែកក្កដា ឆ្នាំ២០១២ នៅចំណុចចន្លោះគីឡូម៉ែត្រលេខ ៦៣-៦៤
ស្ថិតក្នុងភូមិស្លា ឃុំសឹង ស្រុកសំរោង។
ទាក់ទិននឹងហេតុការណ៍គ្រោះថ្នាក់ខាងលើនេះ លោក វង់ ង៉ែត អធិការរងទទួលបន្ទុកផ្នែកចរាចរផ្លូវគោកស្រុកសំរោង
បានឲ្យដឹងថា ជនរងគ្រោះដែលបានស្លាប់នោះមានឈ្មោះ យ៉ង ទិត ភេទប្រុស អាយុ ២៩ឆ្នាំ ជាអ្នកបើកបរម៉ូតូ
រីឯអ្នករួមដំណើរម្នាក់ទៀតឈ្មោះ ម៉ូវ វិបុល ភេទប្រុស អាយុ ១៦ឆ្នាំ បានរងរបួសជាទម្ងន់។ ជនរងគ្រោះទាំងពីរនាក់
មានទីលំនៅភូមិសុភី ឃុំរនៀម ស្រុកទ្រាំង ខេត្តតាកែវ។
ប្រភពដដែលបានបន្តថា មុនពេលកើតហេតុ ជនរងគ្រោះខាងលើបានជិះម៉ូតូក្នុងល្បឿនលឿនមធ្យមតាមបណ្ដោយ
ផ្លូវជាតិលេខ២ ពីទិសខាងជើងមកត្បូងក្នុងគោលបំណងមកផ្ទះ។ លុះមកដល់ចំណុចកើតហេតុ មានរថយន្តធំ
មួយគ្រឿងបានស៊ីផ្លេខ្លាំងៗ ធ្វើឲ្យជនរងគ្រោះដែលបើកម៉ូតូភ្ញាក់ក៏ជ្រុលចង្កូតម៉ូតូទៅបុកបង្គោលថ្ម បណ្ដាលឲ្យម្នាក់
ស្លាប់ និងម្នាក់រងរបួសធ្ងន់តែម្ដង៕
