សាលាក្រុងភ្នំពេញបាន ដាក់បញ្ជាហើយកាលពីថ្ងៃទី២៨ មិថុនា ម្សិលមិញនេះ ដោយឲ្យអាជ្ញាធរពាក់ព័ន្ធគ្រប់លំដាប់ថ្នាក់ទាំងអស់ទប់ស្កាត់មិន ឲ្យរថយន្តដឹកទំនិញ ប្រេងឥន្ធនៈ និងឧស្ម័នចំហេះគ្រប់ប្រភេទឆ្លងកាត់ទីក្រុងភ្នំពេញអំឡុងកិច្ច ប្រជុំអាស៊ានក្នុងខែកក្កដាខាងមុខ។
បើ តាមបទបញ្ជារបស់សាលាក្រុងភ្នំពេញ រថយន្តដឹកទំនិញ ប្រេងឥន្ធនៈ និងឧស្ម័នចំហេះគ្រប់ប្រភេទ ត្រូវអនុញ្ញាតឲ្យឆ្លងកាត់ទីក្រុងភ្នំពេញបានតែចន្លោះពីម៉ោង១២ អធ្រាត ដល់ម៉ោង៥ព្រឹកចាប់ពីថ្ងៃទី០៥ ដល់ថ្ងៃទី១៣ ខែកក្កដា ឆ្នាំ២០១២។
ការកំណត់បែបនេះ គឺដើម្បីរក្សានូវសណ្តាប់ធ្នាប់ សុវត្ថិភាព ក៏ដូចជាបញ្ចៀសការកកស្ទះចរាចរ និងឧបទ្ទវហេតុផ្សេងៗក្នុងអំឡុងពេលប្រទេសកម្ពុជារៀបចំកិច្ចប្រជុំ រដ្ឋមន្រ្តីការបរទេសអាស៊ានលើកទី៤៥ និងកិច្ចប្រជុំពាក់ព័ន្ធនានានោះ៕the Free press magszine