ផ្ដើមតាំងតែពីថ្ងៃសុក្រសប្ដាហ៏កន្លងទៅរហូតមកដល់ថ្ងៃ ច័ន្ទនេះ មានរយៈពេលជិតមួយសប្ដាហ៏ហើយដែលដែលអ្នកភូមិក្នុងស្រុកឆ្លូង ខេត្តក្រចេះ បានលើកគ្នាបិទផ្លូវជាតិលេខ៧៣ ជាការដាក់សម្ពាធទាមទារឲ្យតុលាការខេត្តនេះ ដោះលែងបុរសអ្នកភូមិម្នាក់ដែលត្រូវបានចាប់ខ្លួនក្រោមបទថា បានដុតផ្លាញ់ទ្រព្យសម្បត្តិរបស់ក្រុមហ៊ុនព្រៃសម្បទានមួយឈ្មោះ កាសូទីន ។
ក្រុមអ្នកភូមិបិទកំណាត់ផ្លូវជាតិលេខ៧៣ត្រង់ព្រំប្រទល់ខេត្តក្រចេះ និងកំពង់ចាម
ប៊ុន រដ្ឋា រស់នៅក្នុងភូមិ ដំរីផុង ស្រុក ឆ្លូង ខេត្ត ក្រចេះ ត្រូវបានចាប់ខ្លួនកាលពីថ្ងៃសុក្រសប្ដាហ៏កន្លងទៅ ក្រោមបទថា បានដុតបំផ្លាញទ្រព្យសម្បតិ្តរបស់ក្រុមហ៊ុន កាសូទីន ។ ប៉ុន្តែយ៉ាងណាក៏ដោយក្រុមអ្នកភូមិបាននិយាយថា ក្រុមហ៊ុន បានរំលោភយកដីរបស់ពួកគាត់ ៕
