ដោយ ៖ យ៉ាត & ជាស្រស់(អត្ថបទនគរវត្ត)
ថ្ងៃទី 06-03-2012 ម៉ោង 09:22:22 ខេត្តសៀមរាប៖ យ៉ាងហោចណាស់មនុស្ស៤នាក់បានស្លាប់ និង៩នាក់ទៀតទទួលរងរបួសធ្ងន់ ដោយសារតែហេតុការណ៍គ្រោះថ្នាក់ចរាចរក្រឡាប់គោយន្តកែច្នៃដែលដឹក សម្ភារៈរុះរើផ្ទះ បន្ទាប់ពីគោយន្តនេះបានបុកជាមួយរថយន្តហ្វ័តមួយគ្រឿង ហើយបើករត់ ប៉ុន្តែបែរជាជួបគ្រោះថ្នាក់យ៉ាងដូច្នេះទៅវិញ។
ហេតុការណ៍នេះបានកើតឡើងកាលពីម៉ោង ៧យប់ថ្ងៃទី៥ ខែមីនា ឆ្នាំ២០១២ ស្ថិតនៅតាមផ្លូវលំ ព្រំប្រទល់ភូមិពង្រលើ និងឃុំខ្វាវ ស្រុកជីក្រែង ខេត្តសៀមរាប។
ប្រភពព័ត៌មានពីខេត្តសៀមរាបបាន រាយការណ៍ថា គោយន្តកែច្នៃដឹកឈើចាស់ៗដែលទើបរុះរើផ្ទះបាន បើកបុកជាមួយរថយន្តហ្វ័តដែលធ្វើដំណើរបញ្ច្រាស់ទិសគ្នាធ្វើឲ្យរថយន្ត ហ្វ័តធ្លាក់ចុះប្រឡាយ ឃើញ ស្ថានការណ៍បែបមិនស្រួល ម្ចាស់គោយន្តបានបន្ថែមល្បឿនរត់ប្រហែល១គីឡូម៉ែត្រ ក៏ក្រឡាប់ចាក់ទាំងមនុស្សនិងសម្ភារៈទាំងប៉ុន្មានដែលដឹកក្នុង គោយន្តសង្កត់សម្លាប់មនុស្ស៤នាក់ និងរបួស៩នាក់ ៕
