ដោយ ៖ ចន្ថា
ថ្ងៃទី 16-03-2012 ម៉ោង 13:00:28 ខេត្ដកំពង់ឆ្នាំងៈ បុរសម្នាក់ត្រូវបានគូកំណាន់របស់ខ្លួននាំយកមកមន្ទីរពេទ្យបង្អែក ខេត្ដកំពង់ ឆ្នាំងភ្លាមៗដើម្បីអោយគ្រូពេទ្យជួយសង្គ្រោះជីវិត បន្ទាប់បុរសរូបនេះបានយកថ្នាំពេទ្យ១០បន្ទះ លេបដើម្បីសម្លាប់ខ្លួន ។ ហេតុការណ៍នេះបានកើតឡើងកាលពីវេលាម៉ោង១០និង១៥នាទីថ្ងៃ ទី១៦ ខែមីនា ឆ្នាំ២០១២ នៅភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង ។
កញ្ញា ស្រី មុំ អាយុ១៨ឆ្នាំ រស់នៅក្នុងភូមិត្រញំងថ្ម ឃុំក្សេន្ដក្សាន្ដស្រុកឧត្ដុង្គ ខេត្ដកំពង់ស្ពឺមក ជួលផ្ទះនៅខេត្ដកំពង់ឆ្នាំង បានប្រាប់អោយដឹងថា បុរសដែលលេបថ្នាំនោះឈ្មោះជិន ស៊ីម អាយុ២៥ឆ្នាំ រស់នៅភូមិឃុំកើតហេតុ ខាងលើ ។ នាងបានប្រាប់ទៀតថា នាងបានទំនាក់ទំនងជាមួួយបុរស ជិន ស៊ីមនេះយូរណាស់មក ហើយ នៅថ្ងៃកើតហេតុ ជិន ស៊ីមបានសុំម្ដាយរបស់គាត់ យកនាងទៅរស់នៅផ្ទះជាមួួយម្ដាយ ប៉ុន្ដែម្ដាយរបស់ជិន ស៊ីមមិនអនុញ្ញាត ហើយនាងមិនយល់ព្រម ដោយសារតែនៅទីនោះប្រពន្ធដើមរបស់បុរសនេះនៅផ្ទះជាមួយដែរបុរសនោះ ខឹងក៍លេបថ្នាំសម្លាប់ខ្លួនតែម្ដងក្រោយពេលកើតហេតុនាងបាបនដឹក បុរសរូបនេះមកសង្គ្រោះនៅមន្ទីរពេទ្យតែម្ដង ។
ស្រី មុំបានប្រាប់ទៀតថា បុរសនេះមានប្រពន្ធនិងមានកូនចំនួន២នាក់ ហើយបើតាមការឲ្យដឹងនោះបុរសនេះកន្លងមកធ្លាប់បានលេបថ្នាំបីលើកហើយ គឺលេបនៅទីភ្នំពេញ១លើក និង នៅខេត្ដ កំពង់ឆ្នាំង ចំនួន២លើកមកហើយដោយសារតែរឿងដដែលនោះ ៕
