ដោយ ៖ វិច្ឆិកា|ថ្ងៃទី 13 មិថុនា 2014 ម៉ោង 16:38:39
ខេត្តបន្ទាយមានជ័យ ៖ ជនសង្ស័យជួញដូរនិងប្រើប្រាស់គ្រឿងញៀន៧នាក់ ត្រូវបាននគរបាលនៃការិយាល័យប្រឆាំងការជួញដូរគ្រឿងញៀនខេត្ត សហការជាមួយ នគរបាលស្រុកមង្គលបូរី និងស្រុកថ្មពួក បង្ក្រាបចាប់ឃាត់ខ្លួន បានជាបន្តបន្ទាប់ ដោយសមត្ថកិច្ចចេញប្រតិបត្តិការធ្វើឡើងរយៈពេល២ថ្ងៃ គឺថ្ងៃទី១២និងទី១៣ ខែមិថុនា ឆ្នាំ២០១៤ នៅចំណុចស្រុកថ្មពួក និងស្រុកមង្គលបូរី ខេត្តបន្ទាយ មានជ័យ ។ ការបង្ក្រាបគ្រឿងញៀននេះដែរ សមត្ថកិច្ចដកហូតបានវត្ថុតាងគ្រឿងញៀនប្រភេទ មេតំហ្វេតាមីនចំនួន១៩៨គ្រាប់ និងម៉ាទឹកកកចំនួន២កូនថង់តូច ។ ជនសង្ស័យទាំង០៧នាក់ កំពុងសាកសួរនិងឃុំខ្លួនបណ្តោះអាសន្ននៅស្នងការដ្ឋាននគរបាលខេត្តបន្ទាយមានជ័យ ។
លោកវសេនីយ៍ទោ ធិន ស៊ិនដេត នាយការិយាល័យនគរបាលប្រឆាំងការ ជួញដូរគ្រឿងញៀនខេត្ត បានប្រាប់ឲ្យដឹងថា ការបង្ក្រាបករណីជួញដូរនិងប្រើប្រាស់គ្រឿង ញៀនបានសម្រេចនៅពេលនេះ ដោយអនុវត្តតាមបទបញ្ជារបស់លោកឧត្តមសេនីយ៍ត្រី អាត់ ខែម ស្នងការនគរបាលខេត្ត បន្ទាយមានជ័យ ចុះធ្វើការស្រាវជ្រាវស៊ើបអង្កេតតាមជំនាញ មុនដំបូងសមត្ថកិច្ចចាប់ឃាត់ខ្លួនជនសង្ស័យជួញដូរ២នាក់នៅស្រុកថ្មពួក ឈ្មោះ ផូ រ៉ាន់ ភេទប្រុស អាយុ២៩ឆ្នាំ និងឈ្មោះ សៃហ្វុង ភេទប្រុស អាយុ២៣ឆ្នាំ ចនសង្ស័យទាំង២នាក់បច្ចុប្បន្នរស់នៅ ភូមិអំពិល ឃុំអំពិល ស្រុកបន្ទាយអំបិល ខេត្តឧត្ថរមានជ័យ ។ ក្នុងនោះសមត្ថកិច្ចឆែកឆេររកឃើញនិងដកហូតគ្រឿ ងញៀនមេតំហ្វេតាមីនចំនួន ១៩៨គ្រាប់ ។ ក្រោយពី សាកសួរជនសង្ស័យទាំង០២នាក់នេះរួចហើយ សមត្ថកិច្ចឈានបន្តទៅបង្ក្រាបចាប់ ឃាត់ខ្លួនជនសង្ស័យជួញដូរនិងប្រើប្រាស់គ្រឿងញៀនចំនួន០៥នាក់ទៀតនៅផ្ទះបើកខារ៉ាអូខេលួចលាក់មួយកន្លែង នៅចំណុចភូមិព្រែកល្ពៅ ឃុំប្ញស្សី ក្រោកស្រុកមង្គលបូរី សមត្ថកិច្ចដកហូតបានគ្រឿងញៀនម៉ាទឹកកកចំនួន០២កូនថង់តូច និងឧបករណ៍ប្រើប្រាស់គ្រឿងញៀនមួយចំនួន ។
ជនសង្ស័យទាំង០៥នាក់ឈ្មោះ ១-សួង សុផាត ភេទប្រុស អាយុ ៣៦ឆ្នាំ រស់នៅភូមិសូភី សង្កាត់កំពង់ស្វាយ ក្រុងសិរីសោភ័ណ, ២-ញ៉ូង សួរ ភេទប្រុស អាយុ៥២ឆ្នាំ រស់នៅភូមិព្រះពន្លា សង្កាត់ព្រះពន្លា ក្រុងសិរីសោភ័ណ, ៣-ឡេង វណ្ណារ៉ា ភេទប្រុស អាយុ៤០ឆ្នាំ រស់នៅសង្កាត់បឹងព្រលឹត ខណ្ឌ៧មករា រាជធានីភ្នំពេញ, ៤-សឿន វិបុល ភេទប្រុសអាយុ២៤ឆ្នាំ រស់នៅភូមិព្រៃប្ញស្សីសង្កាត់ព្រះពន្លា ក្រុងសិរីសោភ័ណ និង៥-អ៊ិន សី ហា ភេទប្រុស អាយុ១៨ឆ្នាំ រស់នៅភូមិសូភី សង្កាត់កំពង់ស្វាយ ក្រុងសិរីសោភ័ណ ។
លោកនាយការិយាល័យបានបន្តឲ្យដឹងទៀតថា ជនសង្ស័យទាំង០៧នាក់ និងត្ថុតាង សមត្ថកិច្ចការិយាល័យជំនាញកំពុងកសាងសំណុំរឿងបញ្ជូនខ្លួនទៅកាន់សាលាដំបូងខេត្តដើម្បីយកចាត់ចែងតាមនីតិវិធី ៕