ការសម្រេចប្រោសព្រះរាជទានទោសដល់លោក សម រង្ស៊ី ប្រធានគណបក្សសង្គ្រោះជាតិ នេះ បានធ្វើឡើងតាមការស្នើសុំ ពីសំណាក់សម្ដេចនាយករដ្ឋមន្ត្រី ហ៊ុន សែន ចំពោះអ្វីដែលសម្ដេចយល់ថា ជាដំណោះស្រាយតាមយុទ្ធវិធីឈ្នះៗ រវាងខ្មែរ និងខ្មែរ និងដើម្បីការបោះឆ្នោតជាតិអណត្តិទី៥ ថ្ងៃទី ២៨ កក្កដា ខាងមុខ ប្រព្រឹត្តទៅដោយសេរី និងយុត្តិធម៌ ។
គួរបញ្ជាក់ថា លោក សម រង្ស៊ី បាននិរទេសខ្លួនដោយខ្លួនឯង ពីប្រទេសកម្ពុជា កាលពីអំឡុងខែ តុលា ឆ្នាំ ២០០៩ បន្ទាប់ពីបានធ្វើឲ្យមានភាពភ្ញាក់ផ្អើល ទាក់ទងសំណុំរឿងដកតម្រុយបង្គោលព្រំដែន កម្ពុជា វៀតណាម នៅស្រុក ចន្ទ្រា ខេត្ត ស្វាយរៀង ។ ក្រោយមកតុលាការបានផ្តន្តាទោសឲ្យមេដឹកនាំបក្សប្រឆាំងរូបនេះ ជាប់ពន្ធនាគាររយៈពេលជាង១០ឆ្នាំ ពីបទដកតម្រុយបង្គោលព្រះដែន និងក្លែងឯកសារផែនទី ៕
press magazine