- Written by Neath
ភ្នំពេញ: លោក សម រង្ស៊ី
បានសរសេរលិខិតទូលថ្វាយព្រះមហាក្សត្រ
ដើម្បីស្នើសុំព្រះរាជទានលើកលែងទោស ដើម្បីបើកផ្លូវឲ្យលោក
បានវិលត្រឡប់ ចូលក្នុងប្រទេសកម្ពុជាវិញ ដោយពុំមានការចាប់ខ្លួន។
យោងតាមសំណើដូច្នេះ
សម្តេចនាយករដ្ឋមន្ត្រី ហ៊ុន សែន បានព្រមព្រៀងទូលស្នើសុំព្រះមហាក្សត្រ
ព្រះរាជទានការលើកលែងទោស ដល់លោក សមរង្ស៊ី
ដោយឈរលើស្មារតីបង្រួមផ្សះផ្សារជាតិ។
ដោយមានសំណើពី សម្តេចនាយករដ្ឋមន្ត្រី យ៉ាងដូច្នេះ ព្រះមហាក្សត្រ ក៏បានយល់ព្រមទៅតាមសំណើ ក្នុងការព្រះរាជទានទោសលោសម រង្ស៊ី។
ដំណឹងនៃការព្រះរាជទានទោសដល់លោកសម រង្ស៊ី គឺត្រូវបានព្រះមហាក្សត្រ សម្តេចព្រះបរមនាថ នរោត្តម សីហមុនី ឡាយព្រហស្ថលេខា លើព្រះរាជក្រឹត្យ ចុះថ្ងៃទី១២ ខែកក្កដា ឆ្នាំ២០១៣។
លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រី បានមានប្រសាសន៍ឲ្យដឹងថា កាលពីព្រឹកថ្ងៃទី១២ ខែកក្កដា ឆ្នាំ២០១៣ មានការប្រជុំរវាងមន្ត្រីជាន់ខ្ពស់គណបក្សប្រជាជនកម្ពុជា ជាមួយសម្តេចតេជោ ហ៊ុន សែន ពីករណីស្នើសុំលើកលែងទោសលោក សម រង្ស៊ី ទៅព្រះមហាក្សត្រ ហើយសម្តេចតេជោ ក៏បានចុះហត្ថលេខាលើលិខិតស្នើលើកលែងទោស បញ្ជូនទៅលោកឧបនាយករដ្ឋមន្ត្រី គង់ សំអុល ដើម្បីយកទៅថ្វាយព្រះមហាក្សត្រ។
លោក ផៃ ស៊ីផាន បានបន្តថា នៅក្នុងលិខិតលោក សម រង្ស៊ី ទូលថ្វាយ បានលើកឡើងពីប្រសាសន៍របស់សម្តេចអគ្គមហាសេនាបតីតេជោ ហ៊ុន សែន កាលពីថ្ងៃទី១០-១១ ខែមិថុនា ឆ្នាំ២០១៣ នៅខេត្តកំពង់ឆ្នាំង និងខេត្តពោធិ៍សាត់ និយាយលើកឡើងអំពីសម្តេចតេជោ បានមានប្រសាសន៍លើកឡើង ដែលលោក សម រង្ស៊ី យល់ឃើញថា ការផ្សះផ្សាជាតិ។
អ្នកនាំពាក្យ គណៈរដ្ឋមន្ត្រី បានបញ្ជាក់ថា “អ្វីដែលជាទស្សនៈទាននយោបាយ ផ្សះផ្សាជាតិ បង្រួបបង្រួមជាតិ សាមគ្គីជាតិ ហើយធ្វើឲ្យប្រទេស មានតុល្យភាពនយោបាយ និងកិច្ចការថែរក្សាប្រទេសកម្ពុជា ឲ្យក្លាយទៅជាប្រទេសសន្តិភាពពិតប្រាកដមួយ គឺគណបក្សប្រជាជនកម្ពុជា ក៏ដូចជា សម្តេចអគ្គមហាសេនាបតីតេជោ ហ៊ុន សែន បានឯកភាព ក៏ចុះហត្ថលេខាបញ្ជូនទៅឯកឧត្តម សម្តេចចៅហ្វាវាំង ឧបនាយករដ្ឋមន្ត្រី នៃក្រសួងព្រះបរមរាជវាំង ដើម្បីយកលិខិតនេះ ជូនទៅថ្វាយដល់ព្រះមហាក្សត្រ ដើម្បីព្រះរាជទានព្រះហត្ថលេខា ដើម្បីអនុញ្ញាតឲ្យឯកឧត្តម សម រង្ស៊ី បានវិលត្រឡប់មកមាតុភូមិវិញ ហើយឯកឧត្តម សម រង្ស៊ី ជាជនមួយ មានសេរីចាប់តាំងពីពេលហ្នឹងទៅហើយ”៕ ប្រភព ៖ CEN
ដោយមានសំណើពី សម្តេចនាយករដ្ឋមន្ត្រី យ៉ាងដូច្នេះ ព្រះមហាក្សត្រ ក៏បានយល់ព្រមទៅតាមសំណើ ក្នុងការព្រះរាជទានទោសលោសម រង្ស៊ី។
ដំណឹងនៃការព្រះរាជទានទោសដល់លោកសម រង្ស៊ី គឺត្រូវបានព្រះមហាក្សត្រ សម្តេចព្រះបរមនាថ នរោត្តម សីហមុនី ឡាយព្រហស្ថលេខា លើព្រះរាជក្រឹត្យ ចុះថ្ងៃទី១២ ខែកក្កដា ឆ្នាំ២០១៣។
លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រី បានមានប្រសាសន៍ឲ្យដឹងថា កាលពីព្រឹកថ្ងៃទី១២ ខែកក្កដា ឆ្នាំ២០១៣ មានការប្រជុំរវាងមន្ត្រីជាន់ខ្ពស់គណបក្សប្រជាជនកម្ពុជា ជាមួយសម្តេចតេជោ ហ៊ុន សែន ពីករណីស្នើសុំលើកលែងទោសលោក សម រង្ស៊ី ទៅព្រះមហាក្សត្រ ហើយសម្តេចតេជោ ក៏បានចុះហត្ថលេខាលើលិខិតស្នើលើកលែងទោស បញ្ជូនទៅលោកឧបនាយករដ្ឋមន្ត្រី គង់ សំអុល ដើម្បីយកទៅថ្វាយព្រះមហាក្សត្រ។
លោក ផៃ ស៊ីផាន បានបន្តថា នៅក្នុងលិខិតលោក សម រង្ស៊ី ទូលថ្វាយ បានលើកឡើងពីប្រសាសន៍របស់សម្តេចអគ្គមហាសេនាបតីតេជោ ហ៊ុន សែន កាលពីថ្ងៃទី១០-១១ ខែមិថុនា ឆ្នាំ២០១៣ នៅខេត្តកំពង់ឆ្នាំង និងខេត្តពោធិ៍សាត់ និយាយលើកឡើងអំពីសម្តេចតេជោ បានមានប្រសាសន៍លើកឡើង ដែលលោក សម រង្ស៊ី យល់ឃើញថា ការផ្សះផ្សាជាតិ។
អ្នកនាំពាក្យ គណៈរដ្ឋមន្ត្រី បានបញ្ជាក់ថា “អ្វីដែលជាទស្សនៈទាននយោបាយ ផ្សះផ្សាជាតិ បង្រួបបង្រួមជាតិ សាមគ្គីជាតិ ហើយធ្វើឲ្យប្រទេស មានតុល្យភាពនយោបាយ និងកិច្ចការថែរក្សាប្រទេសកម្ពុជា ឲ្យក្លាយទៅជាប្រទេសសន្តិភាពពិតប្រាកដមួយ គឺគណបក្សប្រជាជនកម្ពុជា ក៏ដូចជា សម្តេចអគ្គមហាសេនាបតីតេជោ ហ៊ុន សែន បានឯកភាព ក៏ចុះហត្ថលេខាបញ្ជូនទៅឯកឧត្តម សម្តេចចៅហ្វាវាំង ឧបនាយករដ្ឋមន្ត្រី នៃក្រសួងព្រះបរមរាជវាំង ដើម្បីយកលិខិតនេះ ជូនទៅថ្វាយដល់ព្រះមហាក្សត្រ ដើម្បីព្រះរាជទានព្រះហត្ថលេខា ដើម្បីអនុញ្ញាតឲ្យឯកឧត្តម សម រង្ស៊ី បានវិលត្រឡប់មកមាតុភូមិវិញ ហើយឯកឧត្តម សម រង្ស៊ី ជាជនមួយ មានសេរីចាប់តាំងពីពេលហ្នឹងទៅហើយ”៕ ប្រភព ៖ CEN