ភ្នំពេញ៖
កម្លាំងនគរបាលនាយកដ្ឋានប្រឆាំងភេរវកម្មក្រសួងមហាផ្ទៃ
ដឹកនាំដោយលោក ហៀង សុភ័ក្រ្ត
ព្រះរាជអាជ្ញារងអមសាលាដំបូងរាជធានីភ្នំពេញ
ចុះបង្រ្កាបបានជនជាតិចិន២០នាក់ ក្នុងនោះស្រ្តី៩នាក់
នៅចំណុចផ្ទះវីឡាលេខ២៩០ ផ្លូវលេខ៦៤៤ ក្រុម១៧
ភូមិដើមម៉ាកក្លឿ សង្កាត់ច្បារអំពៅទី១កាលពីវេលាម៉ោង១និង១០នាទី រសៀលថ្ងៃទី១៣ ខែកក្កដា ឆ្នាំ២០១៣។ ដោយមានការចង្អុលបង្ហាញពីលោក សូរ ឃុន រដ្ឋមន្រ្តីក្រសួងប្រៃសនីយ៍និងទូរគមនាគមន៍ និងមានការណែនាំពីនាយឧត្តមសេនីយ៍ នេត សាវឿន អគ្គស្នងការនគរបាលជាតិ បានដឹកនាំកម្លាំងចុះបង្រ្កាបទីតាំងលួចទិន្ន័យទូរគមនាគមន៍ក្រៅ ស្រុក របស់ជនជាតិចិន ធ្វើការឃាត់ខ្លួនបានចំនួន២០នាក់ រូមទាំងស្រ្តីជនជាតិខ្មែរជាចុងភៅម្នាក់ផងដែរ។
ប្រតិបត្តិការនេះសមត្ថកិច្ចដកហូតបានវត្ថុតាង ពាក់ព័ន្ធមួយចំនួនមានដូចជា ទូរស័ព្ទលើតុ និងLatop ជាច្រើនគ្រឿង រួចបិទទ្វារវីឡាខាងលើបណ្ដោះអាសន្ន រួចបញ្ជូនទៅអគ្គស្នងការនរគបាលជាតិ ។
