កំពង់ឆ្នាំង៖ មនុសប្រុសស្រីចំនួន១៤នាក់ ក្នុងនោះមាន៦នាក់រងរបួសធ្ងន់ក្នុងហេតុការណ៍គ្រោះថ្នាក់ ក្រឡាប់គោយន្តមួយ។ ហេតុការណ៍នេះកើតឡើង កាលពីវេលាម៉ោង៩និ១០នាទីព្រឹក ថ្ងៃទី១៦ ខែកក្កដា ឆ្នាំ២០១៣
នៅត្រង់ចំណុចភូមិកំព្រង ឃុំផ្សា ស្រុកបរិបួរណ៍ ខេត្តកំពង់ឆ្នាំង ។ បើតាមជនរងគ្រោះក្នុងហេតុការណ៍នោះឲ្យដឹងថា នៅមុនពេលកើតហេតុ ពួកគាត់បាននាំគ្នាទៅចូលរួម ក្នុងពិធីមង្គលការបងប្ងូននៅឯខេត្តពោធិសាត់ ដោយធ្វើដំណើរតាមគោយន្តមួយគ្រឿង ដែលមានអ្នករួមដំណើរសរុប១៦នាក់ ទាំងអស់គ្នាមានទីលំនៅក្នុងភូមិ ឧិម៉ាល់ ឃុំអំពិលទឹក ស្រុកកំពង់ត្រឡាច ខេត្តកំពង់ឆ្នាំង ។
ប្រភពពីជនរងគ្រោះដដែលបន្តថា លុះធ្វើដំណើរមកដល់ចំណុចកើតហេតុខាងលើ អ្នកបើកគោយន្តបានបើកគិចពីរថយន្តមួយគ្រឿង ដែលបើកមកពីមុខក្នុងដំណើរច្រាសទិស្សគ្នា តែដោយយកចង្កូតជ្រុល ក៏ក្រឡាប់ធ្លាក់ចូលទៅក្នុងប្រឡាយ បណ្តាលឲ្យមនុស្សរងរបួសធ្ងន់និងស្រាលតែម្តង។
ក្រោយពេលកើតហេតុ ជនរងគ្រោះទាំងអស់ត្រូវបានរថយន្តសាមុយ របស់មន្ទីរពេទ្យ បង្អែកស្រុកបរិបូរណ៍ ដឹកយកមកសង្គ្រោះនៅមន្ទីរពេទ្យបង្អែកខេត្ត ដោយឡែកគោយន្តដែលបង្កត្រូវបានសមត្ថកិច្ចអូសយកទៅរក្សាទុក នៅអធិការដ្ឋានស្រុកបរិបូរណ៍ រងចាំធ្វើការដោះស្រាយនៅពេលក្រោយ៕akt