- Friday, 02 November 2012 10:18
ស្នាមគំនូស គ្រោះថ្នាក់ចរាចរណ៍ដែលបង្កឡើងដោយរថយន្ត និងរថយន្ត។រូបថតហេង ជីវ័ន
ក្រសួងមហាផ្ទៃ និងចុះអនុវត្តការរឹតបណ្តឹងច្បាប់
ទៅតាមក្រុមហ៊ុនដឹកអ្នកដំណើរគ្រប់ប្រភេទ រឺ
ក្រុមហ៊ុនដឹកទំនិញទំាងឡាយណា នៅតែបន្តបើកបរល្មើសច្បាប់
ដែលជាហេតុបណ្តាលឲ្យកើតមានករណីគ្រោះថ្នាក់ចរាចរណ៍ច្រើនជាងគេនៅ
ក្នុងឆ្នាំ២០១២នេះ នៅរយៈពេល២ខែទៀត។
ថ្លែងក្នុងសិក្ខាសាលា
ថ្នាក់ជាតិមួយ កាលពីព្រឹកថ្ងៃព្រហស្បត្តិ៍នេះ លោកហ៊ឹម យ៉ាន់
ប្រធាននាយកដ្ឋានសណ្តាប់ធ្នាប់សាធារណៈ
នៃក្រសួងមហាផ្ទៃបានមានប្រសាសន៍ថា នៅចុងឆ្នាំ២០១២នេះ
និងធ្វើការបូកសរុបពីករណីគ្រោះថ្នាក់ចរាចរណ៍
ដែលពាក់ព័ន្ធនិងរថយន្តដឹកជញ្ជូនអ្នកដំណើរ
រួមទាំងរថយន្តដឹកទំនិញផ្សេងៗ ផងដែរ
បន្ទាប់មកយើងនិងធ្វើការប្រឡងប្រណាំងមួយ
ដោយបង្កើតគណៈកម្មាធិការសម្រាប់ធ្វើការវាយតម្លៃ
ទៅលើក្រុមហ៊ុនទាំងឡាយណា ដែលមានបញ្ហាច្រើនជាងគេ
ក្នុងនោះយើងនិងចាត់វិធាន ការព្រមាន ធ្វើកិច្ចសន្យាផាកពិន័យ
ដាក់លក្ខខណ្ឌថ្មីៗថែមទៀតផងដែរ។
បើទោះបីជាមន្ត្រីខាងលើ នេះ
នៅមិនទាន់ធ្វើការបញ្ជាក់អំពីចំនួនគ្រោះថ្នាក់
ដែលបង្កឡើងដោយរថយន្តដឹកអ្នកដំណើរ រឺ
រថយន្តដឹកទំនិញផ្សេងៗយ៉ាងណាក្តី
ប៉ុន្តែបើតាមរបាយការណ៍ឆមាសទី១របស់នាយកដ្ឋានសណ្តាប់ធ្នាប់នៃ
ក្រសួងមហាផ្ទៃដែលភ្នំពេញប៉ុស្តិ៍បានទទួលកាលពីព្រឹកថ្ងៃព្រហស្បិ៍
នេះបានឲ្យដឹងថា
ក្នុងចំណោមក្រុមហ៊ុនដឹកអ្នកដំណើរចំនួន១៦ក្រុមហ៊ុន
មានក្រុមហ៊ុនកាពីតូលបានបង្កឲ្យមានករណីគ្រោះថ្នាក់ច្រើនជាងគេ
រហូតដល់ទៅ១៣ករណី និងស្លាប់មនុស្ស១៨នាក់ ក្រុមហ៊ុនរិទ្ធិមុន្នី
មាន៤ករណី ស្លាប់២នាក់ ក្រុមហ៊ុនជីអេសធី ៤ករណី ស្លាប់៦នាក់
និងក្រុមហ៊ុនផារ៉ាម៉ោនអង្គរមាន២ករណី ស្លាប់៣នាក់ និងរបួស៤៦នាក់
ដោយឡែកក្រុមហ៊ុនដឹកអ្នកដំណើរផ្សេងៗមានតិចតួចករណីប៉ុណ្ណោះ។
ចំណែក ឯករណី
ល្មើសល្បឿនកំណត់ក្នុងរយៈពេលដូចគ្នាមានក្រុមហ៊ុនកាពីតូល ១២លើក
ក្រុមហ៊ុនសាប៉ាកូVN ១០លើក ក្រុមហ៊ុនភ្នំពេញសូរិយា៨លើក រឹទ្ធិមុន្នី
៨លើក។
លោកហ៊ឹម យ៉ាន់
បានបន្ថែមថា៖«ប្រសិនបើក្រុមហ៊ុនណាមួយនៅតែបន្តល្មើសច្បាប់ក្រោយ
ពីមានការចុះអនុវត្តណែនាំរួចហើយមិនព្រមស្តាប់
យើងនិងសរសេរលិខិតស្នើទៅរាជរដ្ឋាភិបាលឲ្យមានវិធានការណ៍បន្ត»។ឃួន
លក្ខិណា (ភ្នំពេញប៉ុស្តិ៍)
