Saturday, October 20, 2012

ព្រះសង្ឃ​ប្រមាណ​៦.០០០អង្គ និង​ប្រជាពល​រដ្ឋ​រាប់​ម៉ឺន​នាក់​ បួង​សួង​ព្រះ​វិញ្ញាណ​ក្ខន្ធ​ព្រះ​មហា​វីរ​ក្សត្រ​ខ្មែរ នៅ​មុខ​ព្រះ​បរម​រាជ​វាំង

ថ្ងៃទី​ 20 ខែតុលា ឆ្នាំ2012, ម៉ោង 08:53 PM ហេង សុខា


រាជធានី​ភ្នំពេញ ៖ នៅ​យប់​ថ្ងៃទី​២០ តុលា នៅ​មុខ​ព្រះ​បរម​រាជ​វាំង​ មាន​ព្រះ​សង្ឃ​និមន្ត​មក​ពី​តាម​វត្តទូ​ទាំង​ខណ្ឌ​ទាំង​៩ ក្នុង​រាជ​ធានី​ភ្នំពេញ និង​តាម​បណ្តា​ខេត្ត​មួយ​ចំនួន រួម​ទាំង​ប្រជាពលរដ្ឋ​រាប់​សិប​ម៉ឺន​នាក់​ យ៉ាង​ច្រើន​កុះ​ករ បាន​ប្រារព្ធ​ពិធី​គោរព​ព្រះ​វិញ្ញាណក្ខន្ធ​ព្រះ​មហាវីរ​ក្សត្រ​ខ្មែរ នៅ​មុខ​ព្រះ​បរម​រាជ​វាំង ។ ពិធី​នោះ លោក​ចៅ​ហ្វា​វាំង គង់ សំអុល បាន​អញ្ជើញ​ទៅ​អុជ​ធូប​ ជា​កិច្ច​បើក​កម្មវិធី​ផង​ដែរ ​។
នៅមុខព្រះបរមរាជវាំងក្នុង​រាត្រី​ថ្ងៃទី​២០ តុលានេះ មានភាព​អឹកអធឹក​មនុស្ស​ម្នា​យ៉ាងច្រើនកុះករ និងមាន​ព្រះសង្ឃប្រមាណ​៦.០០០អង្គ និមន្ត​មក​ពីតាមវត្តនានាក្​នុងខណ្ឌ​ទាំង​​៩នៅរាជធានី ភ្នំពេញ និងនិមន្តមក​ពី​តាមបណ្តាខេត្តនានា ព្រមទាំង​មាន​​​ប្រជាពលរដ្ឋទាំងចាស់ ទាំង​ក្មេង បានទៅប្រារព្ធពិធីបួងសួង​ព្រះ​វិញ្ញាណ​ក្ខន្ធព្រះមហាវីរក្សត្រ​នៅ​មុខ​ ព្រះបរមវាំង ។

ពិធីនោះលោក​ចៅហ្វា គង់ សំអុល បាន​អញ្ជើញ​ទៅអុជ​ធូប​ប្រារព្ធ​បើក​ពិធី រួច​ទើបព្រះសង្ឃសូត្រធម៌ បង្សុកូល​ឧទ្ទិសដល់ព្រះវិញ្ញាណក្ខន្ធ​ព្រះមហាវីរក្សត្រខ្មែរ និងធ្វើពិធី​សមាធិ​​ប្រមាណជា ២០នាទី បួង​សួង​សូមព្រះវិញ្ញាណក្ខន្ធ​ព្រះ​មហា​វីរ​ក្សត្រ​ខ្មែរ បានយាង​ទៅសោយ​សុខ​ក្នុង​សុគតិ ភព ។

សម្រាប់ទិដ្ឋភាពនៅមុខ​ព្រះបរម​រាជ​វាំង​ក្នុងរាត្រីនេះ មានសភាពអ៊ូអរ​អឹក​អធឹកខុសប្លែក​ជាងរាត្រី​កន្លង​មក ដោយមានព្រះសង្ឃ និង​ប្រជា​ពល​រដ្ឋ​រាប់សិបម៉ឺននាក់​ទៅប្រារព្ធ​ពិធី​​​បួងសួង​ នៅមុខព្រះបរមរាជវាំង ៕akt

 

 
Design by Free WordPress Themes | Bloggerized by Lasantha - Premium Blogger Themes | Best Buy Coupons