ថ្ងៃទី 04 ខែតុលា ឆ្នាំ2012, ម៉ោង 08:06 AM ឈ ភ
តាមរបាយការណ៍របស់ លោក សេង ផល្លី សាកលវិទ្យាធិការនៃសាកលវិទ្យាល័យធនធានមនុស្ស បានឲ្យដឹងថា បច្ចុប្បន្នសាកលវិទ្យាល័យធនធានមនុស្ស មានសិក្ខាកាម និងនិស្សិតកំពុងសិក្សា សរុបចំនួន ៨.៤២៦នាក់។ គិតចាប់ពីឆ្នាំសិក្សា ១៩៩៨-១៩៩៩ មកដល់ឆ្នាំសិក្សា ២០១១-២០១២នេះ ដោយគិត ទាំងសិក្ខាកាម និង និស្សិតជ័យលាភី ទទួលវិញ្ញាបនបត្រ និងសញ្ញាបត្រនេះផង សិក្ខាកាម និងនិស្សិត ដែល បានបញ្ចប់ការសិក្សា មានចំនួនសរុប ២៧.៩១៧នាក់ ដែលក្នុងនេះមាននារី ៨.៦៧៩នាក់ ។
ថ្លែងក្នុងពិធីនោះ សម្ដេចតេជោ ហ៊ុន សែន បានឆ្លើយតបចំពោះ មនុស្សមួយចំនួនដែលតែងតែ ធ្វើការវិភាគរិះគន់ ក៏ដូចជាបន្ទុចបង្អាក់ ចំពោះសកម្មភាព និងកិច្ចប្រឹងប្រែង របស់រាជរដ្ឋាភិបាល ហើយជាមួយនេះ សម្ដេចតេជោ ក៏បានរំលឹកអំពីការអនុវត្តគោលនយោបាយចាស់សកម្មភាពថ្មី របស់រាជរដ្ឋាភិបាល លើវិស័យដីធ្លី ដែលក្នុងនេះក៏មាននិស្សិត សាកលវិទ្យាល័យធនធានមនុស្ស ចំនួន១៦នាក់ បាននឹងកំពុងចូលរួមផងដែរ។
សម្ដេច បានបញ្ជាក់ថា នៅក្នុងឆ្នាំនេះ ពិធីបុណ្យអុំទូក នឹងរៀបចំ ដំណើរការដូចរាល់ឆ្នាំឡើងវិញ ។ ប៉ុន្តែក្នុងនោះដែរ ទោះជាស្ថានភាពទឹកជំនន់ឆ្នាំនេះ អាចទស្សន៍ទាយថា មិនអាក្រក់ដូចទឹកជំនន់ឆ្នាំ២០១១ ក៏ដោយ ក៏សម្ដេចនៅតែអំពាវនាវឲ្យគ្រប់ទីកន្លែង បន្តការប្រុងប្រយ័ត្ន ព្រោះស្ថានភាពទឹកជំនន់នេះ នៅមិនទាន់ចប់នៅឡើយ ៕agkor thom
